Taktu þátt! Opið fyrir umsóknir í nefndir LÍS
Hefur þú áhuga á félagsstörfum? Brennur þú kannski fyrir hagsmunabaráttu stúdenta? Langar þig til að hafa áhrif? Viltu starfa með stúdentum frá öllum háskólum landsins?
Landssamtök íslenskra stúdenta auglýsa eftir áhugasömum einstaklingum í nefndir samtakanna en þær eru gæðanefnd, lagabreytinganefnd, fjármálanefnd, alþjóðanefnd, markaðsnefnd og jafnréttisnefnd.
HVAÐ ERU LÍS?
Landssamtök íslenskra stúdenta, eða LÍS, voru stofnuð 3. nóvember 2013 og eru samtök háskólanema á Íslandi sem og íslenskra háskólanema á erlendri grundu. LÍS eru regnhlífarsamtök og standa að þeim átta aðildarfélög sem eru í forsvari fyrir stúdenta við Háskólann á Akureyri, Háskólann á Bifröst, Landbúnaðarháskóla Íslands, Listaháskóla Íslands, Háskólann í Reykjavík, Háskólann á Hólum, Háskóla Íslands og fyrir íslenska stúdenta sem stunda nám erlendis. LÍS er því í forsvari fyrir rúmlega 20 þúsund íslenskra stúdenta.
HVERNIG SÆKI ÉG UM?
Opið er fyrir umsóknir frá 4. september til og með 24. september. Í umsókn skal koma fram: Hvaða nefnd þú sækir um í, nafn, menntun, reynsla af félagsstörfum og/eða önnur reynsla sem gæti nýst og stutt lýsing á ástæðu umsóknar. Við hvetjum einstaklinga af öllum kynjum til að sækja um þær lausu stöður sem í boði eru. Umsóknir berast á varaforseti@studentar.is
Nánar um hverja nefnd:
GÆÐANEFND
Brennur þú fyrir eflingu íslensks háskólaumhverfis? Þá er gæðanefndin fyrir þig. Nefndin starfar náið með fjölbreyttum einstaklingum og stofnunum á landsvísu sem vinna að eflingu gæða háskólanáms svo sem Rannís og Gæðaráði íslenskra háskóla. Skemmtileg verkefni eru á döfinni starfsárið sem öll hafa það að markmiði að auka þekkingu á gæðamálum meðal íslenskra stúdenta sem og að efla þátttöku þeirra í gæðastarfi háskólanna. Um er að ræða einstakt tækifæri til að efla gæði háskólanáms á Íslandi. Við óskum eftir þremur metnaðarfullum og vinnusömum einstaklingum í nefndina.
Viljir þú vita meira getur þú haft samband við Lilju Margréti Óskarsdóttur gæðastjóra LÍS. Netfang: lilja@studentar.is
FJÁRMÁLANEFND
Fjármálanefnd sér um utanumhald fjármála LÍS auk fjáröflunar samtakanna og helstu viðburða. Það vinnur náið með Markaðsnefndinni við skipulagningu og framkvæmd viðburða sambandsins. Nefndin sér um að byggja upp og viðhalda samstarfi LÍS og fyrirtækja með þjónustusamningum eða styrkjum auk þess að vinna að styrkumsóknum innan stærri stofnana. Fyrir utan að öðlast færni í styrkumsóknum er það líka frábært tækifæri til að hitta annað fólk og vinna saman sem teymi. Leitað er að þremur áhugasömum aðilum til að sitja í fjármálanefnd auk framkvæmdastjóra.
Viljir þú vita meira getur þú haft samband við Egill Hermannsson, Framkvæmdastjóra LÍS. Netfang: egill@studentar.is
ALÞJÓÐANEFND
Alþjóðanefnd LÍS sinnir alþjóðlegum skuldbindingum LÍS, sækir fróðleik til alþjóðlegra stúdenta og færir þann fróðleik heim til Íslands. Nefndin sinnir undirbúningsvinnu og úrvinnslu í kringum alþjóðlega viðburði sem fulltrúar LÍS sækja, þá einna helst á vegum Evrópusamtaka stúdenta (ESU), ásamt því að endurskoða alþjóðastefnu LÍS. Með þátttöku í nefndinni munu meðlimir fá innsýn inn í starf LÍS og ekki síður inn í störf alþjóðlegra stúdentahreyfinga en nefndin sér um að kynna sér og vekja athygli á tækifærum til þátttöku stúdenta í alþjóðlegu stúdentasamstarfi. Nefndin mun í sameiningu móta starf vetrarins undir handleiðslu alþjóðafulltrúa. Laus sæti í nefndinni eru fjögur og leitumst við eftir fjölbreyttum hópi af áhugasömu fólki. Hvers kyns reynsla eða þekking á alþjóðlegri umhverfi er kostur en alls ekki krafa, einungis brennandi áhugi á því að læra nýja hluti!
Viljir þú vita meira getur þú haft samband við Emil Trausta Smyrilsson, alþjóðafulltrúa LÍS. Netfang: emil@studentar.is
MARKAÐSNEFND
Markaðsnefndin miðar að því að efla sýnileika samtakanna innan íslensks samfélags og sérstaklega háskólasamfélagsins. Nefndin heldur utan um vefsíðu samtakanna, samfélagsmiðla og hlaðvarpi, í samvinnu við önnur embætti og nefndir varðandi innihald. Nefndin skipuleggur og framkvæmir tvær markaðsherferðir á hverju ári til þess að vekja athygli á réttindabaráttu stúdenta og er einnig ábyrg fyrir skipulagningu viðburða samtakanna ásamt fjármálanefnd. Reynsla og/eða þekking á grafískri hönnun, ritun og/eða samfélagsmiðlum er kostur. Laus sæti í nefndinni eru þrjú.
Viljir þú vita meira getur þú haft samband við Egil Hermansson, framkvæmdastjóra LÍS. Netfang: egill@studentar.is
JAFNRÉTTISNEFND
Jafnréttisnefnd heldur utan um verkefni og viðburði LÍS sem tengjast jafnréttismálum. Nefndin ber ábyrgð á því að jafnrétti sé framfylgt í öllum málum og skal vera framkvæmdarstjórn LÍS til ráðgjafar í störfum og málefnum stjórnar. Nefndin mun eiga í samráði við jafnréttisnefndir háskólanna og taka þátt í öðrum verkefnum. Laus sæti í nefndinni eru þrjú.
Ef þú vilt fleiri upplýsingar getur þú haft samband við Anítu Sóley Scheving Þórðardóttur, jafnréttisfulltrúa LÍS. Netfang: jafnrettisfulltrui@studentar.is
LAGABREYTINGANEFND
Lagabreytinganefnd LÍS sér um endurskoðun á lögum og verklagi á hverju ári. Tryggja þarf að lögin séu í samræmi við starf samtakanna og að samtökin fylgi þeim í hvívetna. Lagabreytinganefnd sér um gerð á breytingartilögum sem lagðar eru fyrir fulltrúarráð LÍS. Séu tilögurnar samþykktar þar fara þær fyrir Landsþing LÍS sem er æðsta ákvörðunarvald samtakanna. Möguleikarnir til þess að bæta skilvirkni og starf samtakanna eru því miklir með þátttöku í lagabreytinganefnd. Óskað er eftir einstaklingum sem hafa áhuga á lögum og lagabreytingum. Lögfræðiþekking er ekki skilyrði en þó kostur. Laus sæti í nefndinni eru fjögur.
Umsóknir og upplýsingar má fá hjá S. Magga Snorrason varaforseta samtakanna með því að senda tölvupóst á varaforseti@studentar.is
Fulltrúaráðsfundur 24. ágúst
Fimmtudaginn 24. ágúst kl 17:00 verður fundur hjá fulltrúaráði LÍS.
Í fulltrúaráði LÍS sitja 2 fulltrúar frá hverju aðildarfélagi LÍS. Að LÍS standa átta aðildarfélög sem eru í forsvari fyrir stúdenta við Háskólann á Akureyri, Háskólann á Bifröst, Landbúnaðarháskóla Íslands, Listaháskóla Íslands, Háskólann í Reykjavík, Háskólann á Hólum, Háskóla Íslands og fyrir íslenska stúdenta sem stunda nám erlendis.
Fulltrúaráðsfundir eru skv. lögum LÍS opnir öllum stúdentum og hvetjum við alla háskólanema með áhuga á hagsmunabaráttu stúdenta að sækja fundina. Að þessu sinni er fundurinn haldinn á 4. hæði í Borgartúni 6 (sal BHM). Fulltrúar í fulltrúaráði geta nálgast fundargögn á heimasvæði fundarins.
Dagksrá fundarins er eftirfarandi:
Fundargerð síðasta fundar borin upp til samþykktar
Kynning frá Q félagi hinsegin stúdenta
Ráðning framkvæmdastjóra
Reiknilíkan háskólanna
Hlé
Kjör í stöðu jafnréttisfulltrúa
Sameining Háskóla Íslands og Háskólans á Hólum
Ívilnanir námslána fyrir nema ákveðinna námsgreina
Önnur mál
Opið fyrir framboð í stöðu jafnréttisfulltrúa LÍS 2023-2024!
// English below
LÍS óskar eftir framboði í stöðu jafnréttisfulltrúa LÍS fyrir starfsárið 2023-2024.
Framboðsfrestur er til og með 23. ágúst 2023. Hafir þú áhuga skaltu senda kynningarbréf og ferilskrá á kjorstjorn@studentar.is
Kosið er í embættið á fulltrúaráðsfundi LÍS sem verður haldinn 24. júní.
Við hvetjum frambjóðendur til þess að kynna sér lög og verklag samtakanna vel, en nánari upplýsingar um hvert embætti má einmitt finna þar. Þú getur líka haft samband við sitjandi embættismenn, en tengiliða upplýsingar má finna hér.
Starfsárið hefst í ágúst 2023 og er til lok maí 2024.
Kjörgengi hafa:
Öll sem stunda háskólanám á Íslandi og/eða eru meðlimir í aðildarfélagi LÍS
Frambjóðendur mega hafa lokið námi, ef það eru innan við tvö ár frá námslokum
Helstu verkefni jafnréttisfulltrúa eru:
Forseti jafnréttisnefndar
Stuðlar að auknu aðgengi að námi og bættri stöðu allra stúdenta
Hefur yfirumsjón með jafnréttismálum samtakanna
Verkefnastjóri Student Refugees Iceland
ENGLISH
Open for applications for LÍS's equal rights officer 2023-2024!
Dear students,
LÍS is opening the call for candidates for next year’s equal rights officer. The application deadline is 23rd of August, if you are interested, please send an introductory letter and CV to kjorstjorn@studentar.is
The voting takes place on LÍS´s meeting the 24th of June.
Eligability to run:
Any university student in Iceland and/or member of an Icelandic student union (e.g. member of SÍNE, the union if Icelandic students abroad).
Candidates may have finished studying, as long as they have been a student within the last two years.
The main tasks are:
Chairs the equal rights committee
Advocates for equal access to education and students' welfare
Project manager of Student Refugees Iceland
Fréttabréf LÍS 2023 tbl. 1
Könnun á högum foreldra í námi, Íslendingar á Landsþingi MFS í Færeyjum, þátttaka stúdenta í Gleðigöngunni í Reykjavík og fleira í þessu fyrsta fréttabréfi LÍS.
Við stefnum á að senda fréttabréfin út mánaðarlega að minnsta kosti að áramótum. Markmiðið með fréttabréfunum er að vekja athygli á starfsemi samtakanna og auka upplýsingaflæði til og milli aðildarfélaganna.
Þér er velkomið að senda á varaforseti@studentar.is ef þú ert með athugasemdir eða hefur efni í huga til að birta í næsta tölublaði!
Landsþing færeyskra stúdenta
Meginfelag Føroyskra Studenta (MFS), systursamtök LÍS í Færeyjum buðu tveimur fulltrúum frá LÍS á landsþing MFS í Þórshöfn.
Á nýliðnu starfsári unnu LÍS og MFS að því að styrkja böndin á milli félaganna og héldu til að mynda sameiginlega vinnuhelgi í Reykjavík í febrúar og þá kom forseti MFS á landsþing LÍS á Akureyri.
Forseti og fyrrverandi alþjóðafulltrúi LÍS sóttu þingið í Færeyjum og fengu um leið góða innsýn inn í störf systursamtakanna og stöðu hagsmunabaráttu stúdenta í Færeyjum. Á þinginu voru m.a. fulltrúar frá Stúdentaráði Háskólans í Færeyjum og fulltrúar færeyskra stúdenta í Danmörku og Noregi.
Háskólanemar á Íslandi og í Færeyjum eiga um margt sameiginlegt. Hátt hlutfall stúdenta í báðum löndum vinna hlutfallslega mikið með námi og því er bættur fjárhagsstuðningur við stúdenta baráttumál á báðum stúdnetum. Þá er stór hluti stúdenta í báðum löndum foreldrar eða með börn undir sinni umsjá.
Føroyar Pride var í haldið í sömu viku og gengu stúdentar saman í göngunni.
LÍS þakkar MFS kærlega fyrir boðið og hlökkum við til þess að styrkja rækta sambandið um komandi ár.
Hópur stúdenta á Pride í Færeyjum
Forester MFS og LÍS við höfuðstöðvar MFS
Forseti og fyrrverandi alþjóðafulltrúi LÍS við aðalbyggingu Háskólans í Færeyjum (Fróðskapasetur Færeyja)
