Frambjóðendur til framkvæmdastjórnar LÍS

Frambjóðandi til forseta

Jóhanna Ásgeirsdóttir

Jóhanna Ásgeirsdóttir er núverandi alþjóðafulltrúi LÍS, en sinnti þar áður hlutverki fulltrúa Listaháskóla Íslands í fulltrúaráði. Hún sat einnig í Nemendaráði LHÍ og í stjórn Meistarafélagsins Jakobs, félag meistaranema við LHÍ. Hún lauk MA í listkennslu frá LHÍ hautið 2019, og þar áður BFA gráðu í myndlist frá New York University. Í starfi sínu sem alþjóðafulltrúi hefur hún séð um samskipti LÍS við stúdentafélög erlendis, kynnt alþjóðastefnu samtakanna innanlands og stýrt verkefninu Student Refugees ásamt jafningjafulltrúa. Fyrir utan félagsstörf vinnur Jóhanna sem myndlistamaður og kennari í ýmsum verkefnum sem tengja umhverfismál og vísindi saman við list.

Frambjóðendur til alþjóðafulltrúa

Derek T. Allen

Derek T. Allen er meistaranemi við Háskóla Íslands. Undanfarin tvö ár hefur hann barið fyrir jafnt aðgengi erlendra nema að námi á ýmsum hætti. Innan HÍ hefur hann verið virkur baráttumaður í því að tryggja réttindi erlendra nema að fjárhagslegri aðstoð og einnig að gögnum í ensku. Sem erlendur nemi hér á landi hefur hann mjög sérstakt sjónarhorn sem innblásir starfseminni hans í hagsmunabaráttu stúdenta. Hann langar gjarnan að erlendir nemar, hvar sem þeir eru í heimi, þurfi ekki að verða fyrir þær sömu hindranir sem hann og aðrir nemar hafa orðið fyrir. 

Sylvía Lind J. Birkiland

Sylvía Lind heiti ég og býð mig fram sem alþjóðafulltrúa LÍS fyrir starfsárið 2020-2021.

Undanfarið starfsár hef ég setið í fulltrúaráði LÍS fyrir hönd NLHÍ og hef þannig orðið þess aðnjótandi að fá að kynnast of taka þátt í þeirri mögnuðu starfsemi sem samtökin standa að. Mín persónulega reynsla af réttindabaráttu stúdenta hafði þar til verið heldur sérstök og einkennst mikið af uppbyggingu starfsins innan Listaháskólans. Annað sem kenndi mér eitt mest á mínum námsferli var að stunda skiptinám þar sem ég kynntist nemendum víða úr Evrópu og fékk innsýn inn í persónulega reynslu annarra af námi. Síðastliðinn desember fékk ég svo tækifæri til þess að fylgja núverandi alþjóðafulltrúa á Evrópuþing stúdenta en síðan þá ekki getað tekið hug minn af því spennandi og ótrúlega mikilvæga starfi sem alþjóðafulltrúa sinnir í samvinnu við aðra fulltrúa LÍS og vonast ég til þess að fá tækifæri til að halda því flotta starfi áfram!

Frambjóðandi til markaðsstjóra

Guðbjartur Karl Reynisson

Guðbjartur heiti ég og býð mig fram í embætti markaðsstjóra. Ég hef verið sitjandi markaðsstjóri LÍS síðan í byrjun október síðastliðinn og langar gjarnan að halda því starfi áfram. Með því myndi ég fá tækifæri til að fylgja eftir þeim verkefnum sem í gangi eru ásamt því að nýta reynsluna við að leysa úr nýjum.

    Ég er:

• með meistaragráðu í markaðsfræðum frá Háskólanum í Reykjavík og var í starfsnámi hjá auglýsingastofunni Pipar\TBWA. Í mínu námi fékk ég þekkingu og verkfæri sem nýtast vel í starfi markaðsstjóra LÍS.

• stjórnmálafræðingur frá Háskóla Íslands. Sú menntun hefur nýst mér vel í félagastarfinu.

• tónlistar- og kvikmyndaspekúlant og hef almennt mikinn áhuga á öllu sem tengist skapandi hugsun.

Frambjóðendur til ritara

Kolbrún Lára Kjartansdóttir

Ég heiti Kolbrún Lára Kjartansdóttir og er að bjóða mig fram í hlutverk ritara. Ég er 24 ára mastersnemi í leikskólakennarafræðum og áætluð útskrift er júní 2021. Ég hef verið virk í Stúdentaráði Háskóla Íslands síðan 2017 og ásamt setu í stúdentaráði hef ég verið meðlimur í félagslífs- og menningarnefnd SHÍ, fulltrúi stúdenta í stjórn Menntavísindasviðs og í fastanefnd um meistaranám. Ég er mikill talsmaður fyrir réttindum og hagsmunum stúdenta og hef hlotið víðtæka reynslu í gegnum setu í stúdentaráði og nefndum innan háskólans sem og utan. Ég hef séð hvað rödd stúdenta skiptir miklu máli og vil halda áfram í hagsmunabaráttu stúdenta innan LÍS. 

Þuríður Sóley Sigurðardóttir

Ég heiti Þuríður Sóley Sigurðardóttir og er að sækja um starf ritara fyrir LÍS á næsta ári. Síðastliðið vor lauk ég BA gráðu í ensku með ritlist sem aukagrein og stunda núna MA nám í ritlist við Háskóla Íslands. Síðastliðna mánuði hef ég síðan starfað sem ritari hjá markaðsnefnd LÍS og það væri því gaman að spreyta sig í því starfi við framkvæmdarstjórn LÍS og auka þannig hæfni mína og getu á því sviði. 

Brotin loforð og óskiljanleg viðmið

Enn er það skýlaus krafa stúdenta að grunnframfærsla sem Lánasjóður íslenskra námsmanna, LÍN, miði við sé að minnsta kosti 100% af grunnviðmiði neysluviðmiða velferðarráðuneytisins. Enn er einungis miðað við 96% og því virðist námslánum ekki vera ætlað að mæta grunnþörfum stúdenta. 

Þessi krafa, ásamt öðrum, var einróma samþykkt á fundi fulltrúaráðs Landssamtaka íslenskra stúdenta, LÍS, síðastliðinn þriðjudag. Hún er hluti af kröfulista sem LÍS setja fram vegna úthlutunarreglna LÍN. Tekið skal fram að samtökin standa fyrir 21.000 stúdenta hérlendis sem og íslenska stúdenta á erlendum vettvangi.

LÍS vill sömuleiðis benda á að enn bólar ekkert á starfshópi um endurskoðun á húsnæðisgrunni stúdenta sem þeim var lofaður í fyrra. Þegar framfærsla stúdenta er ákveðin með tilliti til húsnæðiskostnaðar líta úthlutunarreglur LÍN til leigukjara sem bjóðast nánast einungis í stúdentaíbúðum. Það skýtur skökku við þar sem einungis 10% stúdenta búa í slíkum íbúðum. Í úthlutunarreglum verður að miða við raunverulegar aðstæður stúdenta og það er hvorki gert hvað varðar áðurnefnda grunnframfærslu né lán vegna húsnæðis. 

LÍS krefjast þess einnig áfram að skerðingarhlutfall framfærslulána, þegar árstekjur fara umfram frítekjumark, lækki úr 45%, niður í 35% eins og það var áður en því var breytt árið 2014. Einnig vilja LÍS að eftir námshlé megi stúdentar sækja um fimmföldun frítekjumarks eins og áður var, í stað þreföldunar eins og nú er. 

Áherslur stúdenta eru fleiri og skora samtökin á stjórn LÍN og menntamálaráðherra að endurskoða úthlutunarreglurnar fyrir árið 2020-2021 með tilliti til þeirra.

English translation to LÍS’s policies

LÍS’s policies are now available in English on our website. The Union is very grateful to Derek T. Allen for all the hard work he has put in translating the policies on Internationalization and Equal Eights in Icelandic Universities.

Link to LÍS’s policies in English below: 

The National Union of Icelandic Students’ Policy Regarding Internationalization in Icelandic Universities

The National Union for Icelandic Students’ Policy Regarding Equal Rights in Icelandic Universities

The National Union of Icelandic Students’ Policy on Quality in the Icelandic Higher Education Community

—— Íslenska ——

Stefnur LÍS á ensku eru nú aðgengilegar á vefsíðunni. LÍS eru Derek T. Allen innilega þakklát fyrir þá vinnu sem hann hefur lagt í að þýða stefnur um alþjóðavæðingu og jafnréttismál í íslensku háskólasamfélagi.

Enskar þýðingar af stefnunum má nálgast hér:

The National Union of Icelandic Students’ Policy Regarding Internationalization in Icelandic Universities

The National Union for Icelandic Students’ Policy Regarding Equal Rights in Icelandic Universities

The National Union of Icelandic Students’ Policy on Quality in the Icelandic Higher Education Community

Framlengdur frestur fyrir umsóknir í stjórn Nýsköpunarsjóðs námsmanna

LÍS auglýsa eftir áhugasömum einstaklingi til þess að sitja sem fulltrúi í stjórn Nýsköpunarsjóðs námsmanna.

Markmið sjóðsins er að gefa háskólum, rannsóknastofnunum og fyrirtækjum tækifæri til að ráða námsmenn í grunn- og meistaranámi við háskóla til sumarvinnu við metnaðarfull og krefjandi rannsóknarverkefni. Frá stofnun 1992 hefur sjóðurinn unnið sér nafn og gott orð fyrir vinnu mörg hundruð námsmanna og verkefna sem þeir hafa leyst af hendi fyrir tilstyrk sjóðsins.

Sótt er um með því að senda umsókn á lis@studentar.is. Umsóknarfrestur hefur verið lengdur og rennur út þann 6. febrúar kl. 17:00.

Umsókn skal innihalda helstu upplýsingar, m.a.: 

• Ferilskrá.

• Stutt kynningarbréf þar sem gerð er grein fyrir ástæðu umsóknar 

Hæfniskröfur eru eftirfarandi:

a) Að umsækjandi sé í háskólanámi eða að ekki sé meira en ár liðið frá því að umsækjandi var háskólanemi.

b) Að umsækjandi hafi reynslu af nýsköpun, praktíska reynslu eða akademíska.

Æskilegt er að umsækjandi:

e) Hafi reynslu og ánægju af því að vinna í hóp.

f) Sýni mikinn áhuga á starfi stjórnar og að það endurspeglist í kynningarbréfi.

Skipunartími núverandi stjórnar rennur út þann 1. mars næstkomandi og er hún skipuð til þriggja ára. LÍS munu tilnefna tvo einstaklinga, hvorn af sínu kyni. Mennta- og menningarmálaráðherra skipar í stjórnina og velur úr tilnefningum svo kynjaskipting sé sem jöfnust.   

Lesa má nánar um störf nefndarinnar hér á heimasíðu Rannís. Nánari upplýsingar veitir Ragnhildur Þrastardóttir, varaforseti LÍS á ragnhildur@studentar.is. Farið verður með allar umsóknir sem trúnaðarmál og öllum umsóknum verður svarað.

Opið fyrir framboð í framkvæmdastjórn // Open for applications for the Executive Committee

—English below—

Opið er fyrir framboð til embætta framkvæmdastjórnar LÍS fyrir starfsárið 2020-2021. Framboð skulu berast á kjorstjorn@studentar.is fyrir kl 23:59 þann 21. febrúar n.k.. Framboðum skulu fylgja kynningarbréf og ferilskrá frambjóðenda. Kosningar til framkvæmdastjórnar eiga sér stað á landsþingi LÍS í Háskólanum á Akureyri helgina 6.-8. mars.

Lýsing á framkvæmdastjórn og embættum úr lögum LÍS:

18.gr. Skipun framkvæmdastjórnar

Í framkvæmdastjórn sitja forseti, varaforseti, ritari, fjáröflunarstjóri, alþjóðafulltrúi, gæðastjóri, markaðsstjóri og jafnréttisfulltrúi sem kosnir eru í embætti á landsþingi, sbr. 49. gr. Framkvæmdastjórn sækir umboð sitt til fulltrúaráðs.

19.gr. Hlutverk og skyldur framkvæmdastjórnar

Framkvæmdastjórn stjórnar daglegu starfi samtakanna í samræmi við lög þessi, stefnur og samþykktir samtakanna. Þá tekur framkvæmdastjórn að sér önnur tilfallandi verkefni er lúta að hagsmunum stúdenta.

20.gr. Skyldur og réttindi fulltrúa

Fulltrúar í framkvæmdastjórn bera ábyrgð á miðlun upplýsinga til fulltrúaráðs. Við atkvæðagreiðslu á fundum framkvæmdastjórnar hefur hver fulltrúi eitt atkvæði og ræður einfaldur meirihluti atkvæða.

Fulltrúar hafa rétt til setu, málfrelsi og tillögurétt á fundum fulltrúaráðs og landsþingi.

21. gr. Forseti LÍS

Forseti LÍS er forseti framkvæmdastjórnar og fulltrúaráðs LÍS og er yfir landsþingsnefnd.

Hlutverk forseta er að:

Forseti ber ábyrgð á að boða framkvæmdastjórnar- og fulltrúaráðsfundi, leggja fram dagskrá og stýra fundum. Forseti kemur fram fyrir hönd félagsins og er málsvari þess á opinberum vettvangi. Hann er ábyrgur fyrir miðlun upplýsinga til fulltrúaráðs og framkvæmdastjórnar um alla starfsemi LÍS. Forseti skal gæta jafnt að hagsmunum allra aðildarfélaga og gæta hlutleysis í hvívetna. Þá hefur forseti jafnframt umsjón með sameiginlegum gögnum samtakanna – að á þeim sé gott skipulag og hægt að finna öll þau gögn er samtökin varða.

Forseti hefur ekki atkvæðisrétt á fundum fulltrúaráðs nema að atkvæði falla að jöfnu.

22. gr. Alþjóðafulltrúi

Alþjóðafulltúi hefur umsjón með alþjóðastarfi, samskiptum við stúdentasamtök annarra landa og regnhlífasamtök stúdenta í Evrópu og víðar. Alþjóðafulltrúi velur  fulltrúa sem eru í forsvari fyrir samtökin erlendis í samráði við forseta og er ábyrgur fyrir starfi þeirra á alþjóðlegum fundum og ráðstefnum. Alþjóðafulltrúi skal upplýsa fulltrúaráð og framkvæmdastjórn um alþjóðastarf samtakanna. Alþjóðafulltrúi skal  gæta þess að alþjóðastefnu samtakanna sé fylgt. Alþjóðafulltrúi er yfir alþjóðanefnd.

23. gr. Gæðastjóri

Gæðastjóri ber ábyrgð á því að þekking innan samtakanna á gæðamálum sé fullnægjandi. Þá er hlutverk gæðastjóra að efla þekkingu og áhuga hins almenna háskólanema á gæðamálum. Gæðastjóri er tengiliður Gæðaráðs íslenskra háskóla við samtökin. Gæðastjóri skal gæta þess að gæðastefnu samtakanna sé fylgt. Gæðastjóri er yfir gæðanefnd.

24. gr. Varaforseti

Varaforseti skal sinna forsæti í fjarveru forseta. Varaforseti skal aðstoða forseta við gerð fundardagskrár. Varaforseti hefur yfirumsjón með lagabreytingum samtakanna og fer fyrir lagabreytingarnefnd. Lagabreytinganefnd skal endurskoða lög samtakanna ár hvert. Varaforseti ber ábyrgð á samskiptum við aðildarfélög og vinnu á milli LÍS og aðildarfélaganna sem snýr að uppbyggingu innra starfs samtakanna sem og aðildarfélaganna, sé þess óskað af þeim.  

25. gr. Fjáröflunarstjóri

Fjáröflunarstjóri er ábyrgur fyrir fjáröflun og hefur umsjón með gerð styrktar- og viðskiptasamninga. Fjáröflunarstjóri sér um skipulagningu, fjarmögnun og framkvæmd viðburða sem haldnir eru á vegum samtakanna. Fjáröflunarstjóri er yfir fjármálanefnd.

26. gr. Ritari

Ritari skal skrá fundargerðir fyrir hvern framkvæmdastjórnarfund, á vinnudögum og vinnuþingum stjórnar. Ritari skal halda utan um mætingu stjórnarmanna á fundi og ber ábyrgð á varðveislu og vistun fundargagna samtakanna. Ritari skal hafa umsjón með útgefnu efni samtakanna.

27. gr. Markaðsstjóri

Markaðsstjóri sér um að koma samtökunum á framfæri og skal semja markaðsáætlun í upphafi starfsárs. Markaðsstjóri skal vekja athygli á LÍS í samfélaginu, þá sérstaklega meðal framhalds- og háskólanema. Markaðsstjóri er yfir markaðsnefnd.

28. gr. Jafnréttisfulltrúi

Jafnréttisfulltrúi skal gæta þess að jafnrétti ríki innan samtakanna. Hann skal leitast við að tryggja öllum stúdentum jafnan rétt, jafna stöðu og leggja ríka áherslu á að allir samfélagsþegnar búi við jafnrétti til náms. Jafnréttisfulltrúi skal sjá til þess að jafnréttisstefnu samtakanna sé fylgt. Jafnréttisfulltrúi er yfir jafnréttisnefnd.

Nánari upplýsingar veitir Sigrún Jónsdóttir, forseti LÍS á sigrun@studentar.is.

LÍS has opened for applications for the positions of the Executive Committee for the year 2020-2021. Applications must be submitted to kjorstjorn@studentar.is before 11:59 pm on February 21st. Each application should contain a letter of introduction and CV. Elections will take place at the General Assembly of LÍS at the University of Akureyri on the 6th-8th of March. A description of the Executive Board and its members can be found here below:

Article 18 - Appointment of the Executive Committee

The Executive Committee consists of a: President, Vice-President, Secretary, Funding Officer, International Officer, Quality Assurance Officer, Marketing Officer and Equal Rights Officer. They are all elected at the National Assembly, cf. Article 49. The Union seeks its mandate to the Board of Representatives. The names of the Executive Commission in English are: President, Vice-President, Secretary, Funding Officer, International Officer, Quality Assurance Officer, Marketing Officer and Equal Rights Officer.

Article 19 - The role and duties of the Executive Committee

The Executive Committee manages the daily activities of LÍS in accordance with it’s laws, the policies and the resolutions of the association. In addition, the Executive Committee undertakes other tasks that might arrise in connection to students interests.

Article 20 - Duties and Rights of the Executive Committee

Members of the EC are responsible for disseminating information to the Board of Representatives. Each member of the EC has one vote and a simple majority of votes is needed to approve proposals. Members of the Union have the right to sit, speak and vote at meetings of the Board of Representatives and at the National Assembly.

Article 21 - The President of LÍS

The President of the LÍS is also the President of the EC and the BR. He is also the head of the National Assembly committee.

The President is responsible for convening meetings of both the EC and the BR, submitting agendas and chairing meetings. The President acts on behalf of the association both inside LÍS and on the public venue. The President is responsible for disseminating information to the BR and the EC regarding all activities of LÍS. The President shall take care of the interests of all members of LÍS and shall be impartial in all respects. The President also oversees the collective data of the association - that they are organized and can easily be found.

The President does not have the right to vote at meetings of the BR unless the votes are equal.

Article 22 - International Officer

The International Officer oversees the international activities of LÍS, relations with student organizations of other countries and umbrella organizations of students in Europe and elsewhere. The International Officer chooses representatives which represent LÍS overases in consultation with the President. The International Officer is responsible for the  work of these representatives at international meetings and conferences. The International Officer shall inform the BR and the EC of the international activities of LÍS. The International Officer shall ensure that the international policy of the association is fulfilled. The International Officer is the supervisor of the International Committee.

Article 23 - Quality Assurance Officer

The Quality Assurance Officer is responsible for ensuring that knowledge of Quality considerations is adequate within LÍS. The role of the Quality Assurance Officer is also to promote the knowledge and interest of the general university student on quality issues. The Quality Assurance Officer is the contact of the Quality Council of Icelandic universities to LÍS. The Quality Assurance Officer shall ensure that the quality policy of the association is followed. The Quality Assurance Officer is the supervisor of the Quality Committee.

Article 24 - Vice-President

The Vice-President shall stand in for the President in his absence. The Vice-President shall assist the President in making agendas for meetings. The Vice-President oversees the legislative amendments of the association and is responsible for the Legislative Committee. The committee shall review the law of the association each year. The Vice-President is responsible for relations with the local unions and work between LÍS and the local unions on the structure of the internal work of the association as well as the local unions, upon request.

Article 25 - Funding Officer

The Funding Officer is responsible for fundraising and oversees the preparation of sponsorship and trade agreements. The Funding Officer is responsible for the organization, funding and implementation of events organized by LÍS. The Funding Officer is in charge of the Finance Committee.

Article 26 - Secretary

The secretary shall record minutes for each EC meeting, at workshops and Board Meetings. The secretary shall oversee the attendance of members of the board at each meeting and shall be responsible for the preservation and storage of the meeting documentation. The secretary shall supervise the published content of the association.

Article 27 - Marketing Officer

The Marketing Officer is responsible for promoting the organization and shall draw up a marketing plan at the beginning of the operating year. The Marketing Officer should draw attention to LÍS in the community, especially among college and university students. The Marketing Officer supervises the Marketing Committee.

Article 28 - Equal Rights Officer

The Equal Rights Officer shall ensure that equality prevails within LÍS. He shall endeavor to ensure equal rights for all students, equal status and shall have a strong emphasis on ensuring that all members of the community have equal opportunities in education. The Equal Rights Officer representative shall ensure that LÍS's equality policy is adhered to. The Equality Rights Officer supervises the Equality Committee.

Contact Sigrún Jónsdóttir, President of LÍS, for further information at sigrun@studentar.is.