Umsóknir í áheyrnarfulltrúa Gæðaráðs//Applications for student observer of the Quality Board

—English below—

Landssamtök Íslenskra stúdenta (LÍS) leita að einstaklingi í stöðu áheyrnarfulltrúa stúdenta í Gæðaráð Íslenskra Háskóla. Gæðaráðið ber ábyrgð á framkvæmd og yfirsýn á rammaáætlun um eflingu gæða á sviði æðri menntunar á íslandi (QEF). Markmið QEF er að efla gæði kennslu og rannsókna í íslenskum háskólum.

Gæðaráð samanstendur af gæðasérfræðingum en LÍS hefur þar tvo fulltrúa, einn stjórnarmeðlim og einn áheyrnarfulltrúa. Hlutverk áheyrnarfulltrúa er að aðstoða erlenda stúdentafulltrúann og tryggja samskipti á milli þeirra og LÍS.

Almennar upplýsingar:

• Frestur til að sækja um stöðuna er til og með 30 janúar 2020.

• Athuga skal að staðan er ólaunuð en er hinsvegar ómetanleg starfsreynsla.

• Áheyrnarfulltrúinn sinnir hlutverkinu frá upphafi mars 2020 til mars 2022.

• LÍS mun taka viðtöl við umsækjendur og að lokum tilnefna áheyrnarfulltrúa.

• Allir fundir Gæðaráðs og skjöl verða á ensku.

• Skyldufundir verða haldnir að minnsta kosti fjórum sinnum á ári og stendur hver fundur í um tvo heila daga.

• Fundir fara fram á Íslandi en mögulega verða gerðar undantekningar á því.

• Núverandi stjórnarformaður er Andrée Sursock.

• Áheyrnarfulltrúi og aðalfulltrúi skulu funda með LÍS fyrir og/eða eftir skyldufundi Gæðaráðs.

Hæfniskröfur:

• Umsækjandi þarf að vera innritaður í háskóla eða hafa verið í háskólanámi á síðast liðnum tveimur árum.

• Kostur er að umsækjandi hafi reynslu í hagsmunabaráttu stúdenta, gæðamálum eða sambærilegu starfi

• Hafa skilning á uppbyggingu háskólakerfisins.

• Góð enskukunnátta.

• Góð færni í mannlegum samskiptum og vinnur vel í hóp.

• Sveigjanleiki til að tryggja mætingu á fundi.

Áhugasamir geta sótt um með því að senda umsókn á lis@studentar.is.

Með umsókninni skal fylgja:

• Kynningarbréf.

• Ferilskrá, þar sem öll reynsla tengd stöðunni er upptalin.

—

The National Union of Icelandic students (LÍS) is looking for applicants to fill the position of a student observer in the Icelandic Quality Board for higher education. The Quality Board is responsible for the implementation and overview of the Quality Enhancement Framework (QEF) for Higher Education in Iceland. The purpose of the QEF is to secure the standards of degrees and awards in Icelandic higher education institutions, and systematically enhance both the students’ learning experience and the management of research efforts at the universities.

The Quality Board consists of a group of Quality Assurance experts of which LÍS has two members, one student with full membership and one observer student member. The role of the student observer member is to aid the full student representative and ensure communication between them and LÍS.

Practicalities:

• Deadline to apply for the position is the 30th of January 2020.

• Please be aware that this position is unpaid but it is an invaluable experience.

• This is a 2-year position, starting in the beginning of March 2020 and ending in March 2022. 

• LÍS will interview possible candidates and eventually nominate a candidate to represent students.

• All meetings of the Quality Board and documentation will be conducted in English.

• Mandatory meetings will be held at least four times a year and each meeting will take about two days.

• Meetings will take place in Iceland, with possible exceptions.

• The current chair of the Board is Andrée Sursock.

• During mandatory meetings in Iceland with the Quality Board, LÍS expects the student representative to attend a mandatory meeting with LÍS during the visit.

Application criteria:

• Have been registered at a University for at least 2 years.

• It is an advantage to have some experience in student interest work, quality assurance or other similar duties.

• Have an understanding of the structure of the Higher Education system in Iceland

• Above-average English speaking skills

• Excellent communication and social skills and works well in a group.

• A flexible schedule to be able to attend mandatory meetings.

Those interested can apply by sending an application to lis@studentar.is.

The application must contain:

• Motivation letter.

• CV, where any experience relevant to the position is listed.

BM77 á Möltu

Þrír fulltrúar LÍS fóru á dögunum á þingfund Evrópsku stúdenta samtakanna, það er European Student Union Board Meeting, eða ESU BM77 á Möltu. Af viku langri ferð fóru fyrsti og síðasti dagurinn í ferðalag til og frá fundarstaðnum, þess á milli tveir dagar í fræðslu og þrír í sameiginlegan þingfund.

Viðburðurinn átti sér stað í skugga mikillar ólgu í maltnesku samfélagi en sú ólga hafði áhrif á störf þingsins. Stúdentar á Möltu taka virkan þátt í mótmælaaðgerðum gegn stjórnvöldum í þeirri trú að háskólar, og sér í lagi stúdentar, verði að standa vörð um sín gildi og láta í sér heyra þegar frelsi og lýðræði er ógnað.

Á BM koma fulltrúar landssamtaka stúdenta frá allri Evrópu saman til þess að deila reynslu sinni af hagsmunabaráttu. Sömuleiðis er þingið vettvangur fyrir fulltrúana til þess að sammælast um sameiginleg baráttumál og gildi. Dagana fyrir þingfundinn fræddu landssamtökin hvort annað um hin ýmsu framtök á vegum stúdenta sem snúa að aðgengi, sjálfbærni og mannréttindum. Á þinginu sjálfu settu aðildarfélögin og ESU sín gildi í orð í formi laga, stefna og yfirlýsinga.

Lagabreytingar sem teknar voru fyrir, og sumar samþykktar, sneru flestar að því að gera lögin skýrari og skilvirkari. Tvær mikilvægar stefnur voru endurskoðaðar, endurbættar og að lokum samþykktar. Þar var annars vegar um að ræða stefnu um mannréttindi og samstöðu (e. human rights and solidarity) og hins vegar stefnu um félagslega vídd í gæðamálum (e. social dimension policy). Fjöldi yfirlýsinga voru skrifaðar og þær samþykktar. Þar má helst nefna yfirlýsingu um loftslagsvána og þátt háskólasamfélagsins í að sporna við hlýnun jarðar. 

Baráttumál stúdenta eru víðtæk og finnast þau hvarvetna í samfélaginu kjarninn í baráttunni snýst um gæði náms á háskólastigi, þar með talið aðgengi að námi. Ein af þeim yfirlýsingum sem tekin var fyrir á þinginu fól í sér kröfur stúdenta um framtíð Bologna-ferlisins, sem tryggja á gæði háskólanáms í Evrópu. Brýnt er að kerfið  taki mið af sjónarmiðum stúdenta ef það á raunverulega að hafa tilætluð áhrif. 

ESU berast reglulega umsóknir um aðild, en á þessu þingi sóttu tvö félög um inngöngu. Eitt þeirra, GSOA frá Georgíu, var samþykkt einróma en hinu, LINK frá Ítalíu, var hafnað. Fulltrúar LÍS hafa hins vegar fulla trú á LINK og hafa efnt til samstarfs með þeim. LINK fengu ekki inngöngu á grundvelli tilraunakennds kosningakerfis innan samtakanna og þess að önnur ítölsk samtök eru í ESU. Það þótti fulltrúum LÍS miður enda kosningakerfi LINK áhugaverð leið að lýðræði sem ESU gæti mögulega dregið lærdóm af. LINK standa fyrir stóran hluta ítalskra stúdenta og voru mörg aðildarfélög innan ESU ósátt með framgang annarra aðildarfélaga í garð LINK. Því ákváðu fulltrúar LÍS ásamt fulltrúum landssamtaka írskra stúdenta að samþykkja að vinna með LINK að því að sækja á ný um kandídátsaðild að ESU síðar meir. 

Þinginu lauk með því að þingfulltrúar samþykktu yfirlýsingu frá KSU, landssamtaka stúdenta á Möltu, einróma. Yfirlýsingin sneri að ólíðandi framkomu stjórnvalda á Möltu í garð þegna sinna og bar í sér kröfu um tafarlausa afsögn forsætisráðherra Möltu á þeim grundvelli.

Þingfulltrúar LÍS. Frá vinstri til hægri: Jóhanna Ásgeirsdóttir, Ragnhildur Þrastardóttir og Sylvía Lind Jóhannesdóttir

The first application café // Fyrsta umsóknarkaffihúsið

------------ Íslensk útgáfa neðar ------------

Student Refugees Iceland held their first application cafe at the Nordic House last week. Quite a few people came through to receive information and advice (as well as free coffee!) from volunteers about the university system in Iceland: where, how and when to apply to study. The next application cafe will be on December 18th, same time and location, see facebook event here. Learn more about higher education in Iceland, and the project itself, at www.studentrefugees.is.

--------------- Íslenska ---------------

Í vikunni hélt Student Refugees Iceland sitt fyrsta umsóknarkaffihús í Norræna Húsinu. Þónokkrir gestir komu og þáðu  (ásamt ókeypis kaffi!) upplýsingar og ráð um háskólakerfið á Íslandi: hvar, hvernig og hvenær sé hægt að sækja um nám. Næsta umsóknarkaffihús verður 18. desember, á sama tíma og stað, sjá má Facebook viðburðinn hér. Kynnið ykkur æðri menntun á Ísalndi, og verkefnið sjálft, á www.studentrefugees.is

Fundur um stuðningsyfirlýsingu LÍS við bréf jafnréttisnefndar KÍ

Ragnhildur Þrastardóttir, varaforseti LÍS, og Anastasía Jónsdóttir, jafnréttisfulltrúi LÍS, fóru á fund, þann 18. nóvember síðastliðinn, með Jóni Atla, rektor Háskóla Íslands, Kolbrúnu Þ. Pálsdóttur, forseta Menntavísindasviðs Háskóla Íslands og Steinunni Gestsdóttur, aðstoðarrektor kennslu og þróunar. Fundurinn var boðaður vegna stuðningsyfirlýsingar LÍS við bréf jafnréttisnefndar Kennarasambands Íslands. Í bréfinu birtist krafa nefndarinnar um að kynjafræði verði skyldufag í kennaranámi. Á fundinum skynjuðu fulltrúar LÍS mikinn meðbyr frá Kolbrúnu og Jóni Atla og vilja þeirra til þess að skoða það að bæta kynjafræði við sem skyldufagi í kennaranámi. LÍS eru bjartsýn á framhaldið.

Stuðningsyfirlýsinguna má lesa í heild sinni hér að neðan:

Ragnhildur Þrastardóttir nýr varaforseti LÍS

Á fundi fulltrúaráðs þann 11. nóvember síðastliðinn var Ragnhildur Þrastardóttir kosin varaforseti Landssamtaka íslenskra stúdenta.

Ragnhildur er kunn hagsmunabaráttu stúdenta í gegnum störf sín sem stúdentaráðsliði SHÍ og sem ritstjóri Stúdentablaðsins. Hún útskrifaðist í vor með BA gráðu í bókmenntafræðum og ritlist.

Við óskum henni hjartanlega til hamingju með embættið og hlökkum til þess að starfa með henni í þágu stúdenta.