Landssamtök íslenskra stúdenta leita að framkvæmdastjóra // The National Union of Icelandic Students seeks a new Executive Director

// English below //

Landssamtök íslenskra stúdenta (LÍS) eru regnhlífarsamtök allra háskólanema á Íslandi sem og íslenskra háskólanema á erlendri grundu. Hlutverk samtakanna er að standa vörð um hagsmuni stúdenta hérlendis sem og hagsmuni íslenskra stúdenta á alþjóðavettvangi og um leið skapa samstarfsvettvang fyrir íslensk stúdentafélög. Samtökin halda utan um verkefni af ýmsum toga sem eiga það sameiginlegt að bæta hagsmuni stúdenta og tryggja jafnrétti til náms.

Samkvæmt lögum LÍS sinnir framkvæmdastjóri daglegum rekstri og hefur yfirumsjón með fjármálum samtakanna.

Helstu verkefni og ábyrgð:

• Umsjón með fjármálum samtakanna

• Gerð fjárhagsáætlunar og ársreiknings

• Umsjón með vefsíðu samtakanna

• Hefur samningsumboð fyrir hönd samtakanna og sækir um styrki

• Heldur utan um framkvæmd viðburða

Hæfniskröfur: 

• Þekking og reynsla af fjármálum og bókhaldi er skilyrði

• Menntun sem nýtist í starfi er kostur 

• Góð samskiptahæfni, skipulagshæfni og sjálfstæð vinnubrögð

• Áhugi og þekking á hagsmunabaráttu stúdenta er æskileg

• Góð kunnátta í íslensku og ensku 

• Önnur þekking og reynsla sem nýtist í starfi

Framkvæmdastjóri verður ráðinn í 80% starf til og með 1. júní 2025 og hefur vinnuaðstöðu á skrifstofu LÍS í Borgartúni 27, 105 Reykjavík. 

Spurningum um starfið er hægt að beina til forseta LÍS:
Lísa Margrét Gunnarsdóttir, lisa@studentar.is, s. 863-2249.

Umsókn sendist á netfang samtakanna lis@studentar.is með kynningarbréfi auk ferilskrár. Umsóknarfrestur er til 23:59 miðvikudaginn 11. september.

//

The National Union of Icelandic Students seeks a new Executive Director

The National Union of Icelandic Students is the umbrella organisation for student unions at all universities in Iceland as well as the association of Icelandic students studying abroad. The union’s role is to safeguard student rights both in Iceland and regarding Icelandic students abroad. The organisation manages projects of various kinds, all of which revolve around advocating for student rights.

According to LÍS’s regulations, the executive director handles day-to-day operations and oversees the association’s finances. 

Main tasks and responsibilities:

• Overseeing the association’s finances 

• Preparation of the organisation’s annual report and budget plan

• Overseeing the organisation’s website

• Managing contracts and communication with various stakeholders

• Event management

Qualification

• Knowledge and experience of finance and accounting

• An education that is useful in the job is an advantage

• Good communication skills as well as independent and disciplined work methods

• Interest and knowledge about student rights

• Good knowledge of Icelandic and English

• Other knowledge and experience that might prove useful to the job

The Executive Director will be hired for a 80% position until the 1st of June 2025 and will be situated in LÍS’s headquarters in Borgartún 27, 105 Reykjavík.

Any questions shall be directed to LÍS’s president Lísa Margrét Gunnarsdóttir, lisa@studentar.is, phone number: +354 863 2249.

Applications shall be sent to lis@studentar.is along with an introduction letter and CV. Applications are open until 11:59 PM on Wednesday, September 11th.

Fulltrúaráðsfundur LÍS 15. ágúst

Fimmtudaginn 15. ágúst kl. 17:00-18:30 verður fundur hjá fulltrúaráði LÍS.

Í fulltrúaráði LÍS sitja 2 fulltrúar frá hverju aðildarfélagi LÍS. Að LÍS standa átta aðildarfélög sem eru í forsvari fyrir stúdenta við Háskólann á Akureyri, Háskólann á Bifröst, Landbúnaðarháskóla Íslands, Listaháskóla Íslands, Háskólann í Reykjavík, Háskólann á Hólum, Háskóla Íslands og fyrir íslenska stúdenta sem stunda nám erlendis.

Fulltrúaráðsfundir eru skv. lögum LÍS opnir öllum stúdentum og hvetjum við alla háskólanema með áhuga á hagsmunabaráttu stúdenta að sækja fundina. Að þessu sinni er fundurinn haldinn í Borgartúni 6., fjórðu hæð. Fulltrúar í fulltrúaráði geta nálgast fundargögn á heimasvæði fundarins.

Opið fyrir umsóknir í fulltrúa LÍS í áfrýjunarnefnd í kærumálum háskólanema

Landssamtök íslenskra stúdenta auglýsa eftir áhugasömum einstaklingum til þess að sitja sem fulltrúar LÍS í áfrýjunarnefnd í kærumálum háskólanema. 

Nefndin starfar samkvæmt 20. gr. laga um háskóla nr. 63/2006 og reglum nr. 1152/2006. Hún fjallar um kærur og kvartanir stúdenta í háskólum á hendur skólanna vegna málsmeðferðar og/eða ákvarðana um þeirra mál. 

Sótt er um með því að senda umsókn á lis@studentar.is. Umsóknarfrestur rennur út þann 7. ágúst kl. 23:59.

Umsókn skal innihalda helstu upplýsingar, m.a.: 

• Nafn og aldur.

• Ferilskrá.

• Stutt kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Menntunar- og hæfniskröfur eru eftirfarandi:

• Umsækjendur þurfa að uppfylla starfsgengisskilyrði héraðsdómara sbr. 29. gr. laga nr. 50/2016.

• Þekking og reynsla af opinberri stjórnsýslu. 

• Gott vald á íslenskri tungu.

• Skipulögð, sjálfstæð og vönduð vinnubrögð. 

• Lipurð í mannlegum samskiptum. 

Æskilegt er að umsækjandi hafi:

• Reynslu af störfum kæru- og/eða úrskurðarnefnda.

• Þekking á lagaumhverfi háskóla.

• Reynslu af og/eða áhuga á hagsmunabaráttu stúdenta. 

Einn aðal- og einn varafulltrúi eru skipaðir til tveggja ára. 

Lesa má nánar um störf nefndarinnar hér á heimasíðu Stjórnarráðsins. Nánari upplýsingar veitir Lísa Margrét Gunnarsdóttir, forseti LÍS á lisa@studentar.is. Farið verður með allar umsóknir sem trúnaðarmál og öllum umsóknum verður svarað.

LÍS og Viska í samstarf

Viska, stéttarfélag sérfræðinga, og Landssamtök íslenskra stúdenta hafa undirritað samstarfssamning. Viska er nýtt stéttarfélag sérfræðinga sem lætur málefni háskólasamfélagsins sig varða og leggur áherslu á fræðslu og þjónustu fyrir háskólanema. Félagið hyggst eiga virkt samtal við hagsmunasamtök íslenskra háskóla á landsvísu og taka þátt í hagsmunabaráttu háskólanema.

Í janúar undirrituðu Brynhildur Heiðar- og Ómarsdóttir formaður Visku og Alexandra Ýr van Erven forseti LÍS samstarfssamning sem hefur það að markmiði að efla þekkingu háskólanema á kjara- og réttindamálum á vinnumarkaði og vinna saman að stefnumótun um sameiginleg hagsmuna- og réttindamál.

Starfsfólk Visku og fulltrúar LÍS munu vinna að nánari útfærslu á samstarfinu með það að markmiði að fræðsla og námskeið verði komin í fullan gang í haust. Í framhaldinu verður skoðað hvernig hægt er fjölga leiðum til að styrkja stöðu háskólanema á vinnumarkaði og vinna að undirbúningi fyrir lífið á vinnumarkaði. Kjara- og réttindamál ungs fólks og fyrstu skref á nýjum vinnustað verða meginatriðin í þeirri vinnu.

„Það er mikið fagnaðarefni að Viska skuli vilja styðja við bakið á LÍS og þar með efla hagsmunabaráttu stúdenta á landsvísu. Fyrir liggur samningur við BHM og með þessum nýja samningi bætist enn frekari stuðningur við LÍS og samvinna stúdenta- og verkalýðshreyfingarinnar þéttist“ sagði Alexandra Ýr van Erven forseti LÍS.

Alexandra Ýr, forseti LÍS, og Brynhildur Heiðars- og Ómarsdóttir, formaður Visku, við undirritun samningsins.

86. stjórnarfundur ESU

Á dögunum fóru fulltrúar LÍS á stjórnarfund hjá ESU, eða European Students' Union. Stjórnarfundir, eða Board Meeting (BM), eru haldnir tvisvar á ári þar sem starf og stefna ESU er mótuð. Meðal annars er samþykkt starfsáætlun ESU, stefnur, tillögur og yfirlýsingar. Fulltrúar frá öllum 44 aðildarfélögum ESU mæta á fundina, en þessi aðildarfélög koma frá 40 Evrópulöndum. Hvert land hefur tvö atkvæði. Á stjórnarfundum að vori er einnig kosið í nýja framkvæmdarstjórn ESU, en hún sér um dagleg störf félagsins og sér um að framfylgja samþykktum ákvörðunum og stefnum. Þessi stjórnarfundur var 86. fundur sem haldinn hefur verið, og er því kallaður BM86, og í þetta skiptið var hann haldinn í Genf í Sviss. ESU og landssamtök stúdenta í Sviss, VSS-UNES-USU, skipulögðu fundinn. Sjálfur fundurinn er yfir þrjá daga, en einnig eru málstofur, pallborðsumræður og fyrirlestrar haldnir í tvo daga fyrir fundinn.

ESU var stofnað árið 1982 sem regnhlífarsamtök landssamtaka stúdenta í flestum löndum Evrópu, og þau eru í forsvari fyrir 20 milljón stúdenta í Evrópu. Í framkvæmdarstjórn ESU situr forseti og tveir varaforsetar, og eru þau búsett í Brussel og vinna á skrifstofu ESU þar í borg. Að auki sitja sjö almennir fulltrúar í framkvæmdarstjórninni.

Fyrstu tvo dagana voru haldnar hinu ýmsu málstofur og pallborðumræður. Fyrri daginn var haldið til í Campus Biotech, en það er stofnun sem hýsir rannsóknarstofnanir og líftæknifyrirtæki. Þar var haldin opnunarathöfn, pallborðsumræður og málstofur um Erasmus+, fyrirlestur frá starfsmanni UNHCR (United Nations High Commissioner for Refugees) um aðgengi flóttafólks og hælisleitanda að háskólanámi, fyrirlestrar frá landssamtökum stúdenta sem var verið að endurmeta ásamt fleiri fyrirlestrum. Á degi tvö var staðsetningin Maison Internationale des Associations og þar var meðal annars fjallað um ráðherrafund um Bologna samstarfið sem haldinn verður í Albaníu í lok maí þar sem ráðherrar frá löndum Evrópu funda um málefni háskóla og æðri mentunnar. Einnig var farið létt yfir skjöl sem verða nánar skoðuð á fundardögunum sjálfum. Deginum var svo lokað með kappræðum frá frambjóðendum í kjöri til framkvæmdarsjórnar.

Á fundardögunum sjálfum var meðal annars farið yfir og samþykkt tvær stefnur sem ESU mun vinna eftir, en þær voru um málefni og aðgengi flóttamanna og hælisleitenda að háskólanámi og réttindi stúdenta. Einnig var farið yfir starfsáætlun ESU fyrir komandi starfsár, fjárhagsáætlun samtakanna, samþykktar ytri yfirlýsingar sem ESU mun senda frá sér og innra verklag sem samtökin munu taka sér fyrir hendur. Einnig var kosið í nýja framkvæmdarstjórn. Iris Kimizoglu var kosin sem forseti samtakanna og Arno Schrooyen og Lana Par voru kosin sem varaforsetar. Einnig var kosið sjö manns í framkvæmdarstjórn.