Sameinuð rödd stúdenta
Fréttir og greinar
Hvað eru LÍS?
LÍS eru regnhlífarsamtök háskólanema á Íslandi sem og íslenskra háskólanema á erlendri grundu. LÍS sinna hagsmunagæslu stúdenta hérlendis og á alþjóðavettvangi og skapa um leið samstarfs- og samráðsvettvang fyrir íslensk stúdentafélög.
Að LÍS standa átta aðildarfélög sem saman eru í forsvari fyrir yfir 22 þúsund stúdenta.
Aðildarfélög
-
![]()
Stúdentaráð Háskóla Íslands (SHÍ)
SHÍ er málsvari allra nemenda við Háskóla Íslands. Ráðið fer með þau mál er varða hagsmuni nemenda gagnvart háskólayfirvöldum, stjórnvöldum og öðrum þeim sem áhrif hafa á stefnu Háskólans. Ráðið hefur aðstöðu á 3. hæð Háskólatorgs, fyrir ofan Bóksölu stúdenta.
-
![]()
Stúdentafélag Háskólans á Akureyri (SHA)
Stúdentafélag Háskólans á Akureyri er félag allra innritaðra stúdenta við Háskólann á Akureyri. Félagið er fyrst og fremst hagsmunafélag stúdenta, bakland og sameiningartákn aðildarfélaga þess og þeirra aðila sem sinna trúnaðarstörfum á vegum félagsins.
-
![]()
Samband íslenskra námsmanna erlendis (SÍNE)
SÍNE starfar að víðtækri hagsmunagæslu fyrir íslenska námsmenn á erlendri grund. Félagið er öflugt tengslanet fólks sem stundar nám erlendis og veitir upplýsingagjöf varðandi búsetu í öðrum löndum, flutning út í nám eða heim úr námi auk upplýsinga um lánakjör íslenskra námsmanna erlendis.
-
![]()
Stúdentafélag Háskólans í Reykjavík (SFHR)
SFHR er hagsmunafélag nemenda við Háskólann í Reykjavík. SFHR var stofnað til að stuðla að upplýstri akademískri umræðu meðal félagsfólks, mynda einingu milli nemenda og að starfa í þágu þeirra. Félagið hefur aðsetur í Mars, M205 í Háskólanum í Reykjavík.
-
![]()
Nemendafélag Háskólans á Bifröst (NFHB)
NFHB er hagsmunafélag allra nemenda er stunda nám við Háskólann á Bifröst og er málsvari þeirra gagnvart skólanum. Markmið félagsins er skýrt en það er að standa vörð um hagsmuni nemenda og vinna að bættum hag þeirra í námi og leik.
-
![]()
Stúdentaráð Listaháskóla Íslands (SLHÍ)
SLHÍ er félag háskólanema við Listaháskóla Íslands.
-
![]()
Stúdentafélag Landbúnaðar-háskóla Íslands (NLBHÍ)
Nemendafélag Landbúnaðarháskóla Íslands er hagsmunafélag nemenda sem stunda nám við skólann. Félagið stendur einnig fyrir fjölbreyttu félagslífi og skipuleggur ýmsa viðburði og uppákomur fyrir nemendur á Hvanneyri.
-
![]()
Stúdentafélag Háskólans á Hólum (SH)
SH er félag háskólanema við Háskólann á Hólum.
Student Refugees er verkefni sem veitir flóttafólki og hælisleitendum á Íslandi aðstoð við að sækja um háskólanám hér á landi. Verkefnið er byggt á þeirri hugmynd að menntun teljist til mannréttinda í sjálfu sér og þar af leiðandi eigi öll rétt á sama aðgengi að námi. Öflugur hópur sjálfboðaliða heldur mánaðarleg umsóknarkaffi í samstarfi við Rauða krossinn.
LÍS heldur úti rafræna upplýsingabankanum Háskóli fyrir öll með gagnlegum upplýsingum um lög og réttindi nemenda á háskólastigi á Íslandi. Einnig má finna þau stuðningsúrræði sem eru í boði fyrir nemendur með sértæka námsörðugleika og þau stuðningsúrræði sem háskólarnir bjóða upp á, svo sem lengri próftíma, sérkennslu, námsráðgjöf og aðgengi.
Hafðu samband
Ertu með fyrirspurn tengda háskólasamfélaginu, náminu þínu, vantar upplýsingar um námslán - eða ert ekki viss(t) um hvert best er að leita með erindi þitt? Við veitum ráðgjöf og getum bent þér á réttar boðleiðir.
Sendu okkur fyrirspurn og við höfum samband við fyrsta tækifæri.
Finndu okkur á samfélagsmiðlum: