Framlengdur umsóknarfrestur í stöðu markaðsstjóra

LÍS leita eftir markaðsstjóra fyrir starfsárið 2019-2020. Framboð skulu berast á kjorstjorn@studentar.is fyrir kl 23:59 þann 11. september og skal fylgja ferilskrá og nokkur orð um ástæðu framboðs.

Lýsing á hlutverki markaðsstjóra úr verklagi LÍS:

• Markaðsstjóri skal vekja athygli á LÍS í samfélaginu, þá sérstaklega meðal framhalds- og háskólanema.

• Markaðstjóri sækir umboð sitt til fulltrúaráðs.

• Í upphafi stjórnartíðar nýrrar framkvæmdastjórnar ber markaðstjóri ábyrgð á mótun áætlunar varðandi markaðsstarfsemi LÍS fram að næsta landsþingi. Áætlun þessi er lifandi og breytist stöðugt yfir tímabil hvers fulltrúaráðs en miðað er við að markaðsstjóri leggi fram drög að áætluninni fyrir fulltrúaráð einum mánuði eftir að hann tekur forseta við embætti.

• Markaðsstjóri ber ábyrgð á miðlum samtakanna svo sem heimasíðu og samfélagsmiðlum. Hann ber ábyrgð á að miðlarnir séu ávallt virkir.

• Markaðsstjóri hefur yfirumsjón með markaðsnefnd, heldur utan um starf nefndarinnar og ber ábyrgð á því að markaðsnefndin sinni hlutverki sínu vel.

• Markaðsstjóri er forseti markaðsnefndar.

• Markaðsstjóri sér um að boða markaðsnefnd á fundi og gegnir jafnframt stöðu fundarstjóra, ásamt því að skipa fundarritara.

• Markaðsstjóri hefur umsjón með sameiginlegu skjala- og gagnasafni markaðsnefndar sem geymd er inni á sameiginlegum gagnagrunni LÍS í þar tilgerðri möppu sem tilheyrir markaðsnefnd.

Framlengdur frestur í sæti varafulltrúa í áfrýjunarnefnd í kærumálum háskólanema

 Landssamtök íslenskra stúdenta auglýsa eftir áhugasömum einstaklingi til þess að sitja sem varafulltrúi í áfrýjunarnefnd í kærumálum háskólanema. 

Nefndin starfar samkvæmt 20. gr. laga um háskóla nr. 63/2006 og reglum nr. 1152/2006. Hún fjallar um kærur og kvartanir stúdenta í háskólum á hendur skólanna vegna málsmeðferðar og/eða ákvarðana um þeirra mál. 

Sótt er um með því að senda umsókn á lis@studentar.is. Umsóknarfrestur rennur út þann 9. september kl. 12:00.

Umsókn skal innihalda helstu upplýsingar, m.a.: 

• Nafn og aldur.

• Ferilskrá.

• Stutt kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Menntunar- og hæfniskröfur eru eftirfarandi:

• Umsækjendur þurfa að uppfylla starfsgengisskilyrði héraðsdómara sbr. 29. gr. laga nr. 50/2016.

• Þekking og reynsla af opinberri stjórnsýslu 

• Gott vald á íslenskri tungu.

• Skipulögð, sjálfstæð og vönduð vinnubrögð. 

• Lipurð í mannlegum samskiptum. 

Æskilegt er að umsækjandi hafi:

• Reynslu af störfum kæru- og/eða úrskurðarnefnda.

• Þekking á lagaumhverfi háskóla

• Reynslu af og/eða áhuga á hagsmunabaráttu stúdenta. 

Fulltrúinn er skipaður til 17. maí 2020. 

Lesa má nánar um störf nefndarinnar hér á heimasíðu Stjórnarráðsins. Nánari upplýsingar veitir Sonja Björg Jóhannsdóttir, forseti LÍS á sonja@studentar.is. Farið verður með allar umsóknir sem trúnaðarmál og öllum umsóknum verður svarað.

Sjálfboðaliðar óskast í Student Refugees // Seeking volunteers for Student Refugees

Viltu gerast sjálfboðaliði?

Opið er fyrir umsóknir í sjálfboðaliðahóp Student Refugees! Vertu með í að auka aðgengi hælisleitenda og flóttafólks að námi.

Student Refugees er stúdenta rekið framtak sem býður hælisleitendum og flóttafólki upp á aðstoð við að sækja um háskólanám á Íslandi sem byggir alfarið á vinnu sjálfboðaliða.

Aðstoðin verður veitt á heimasíðu Student Refugees, í tölvupósti og í eigin persónu á umsóknarkaffi. Umsóknarkaffið eru opnir viðburðir í huggulegu umhverfi þar sem fólk getur komið að vinna í umsóknum undir leiðsögn. Sjálfboðaliðar munu hljóta þjálfun frá verkefnastjórum og sérfræðingum, svo það er engin þörf á fyrri reynslu. 

Ábyrgð sjálfboðaliða:

•  Skipuleggja og mæta á umsóknarkaffihús u.þ.b. einu sinni í mánuði.

• Svara fyrirspurnum og vera í sambandi við hælisleitendur og flóttafólk í tölvupósti.

• Uppfæra vefsíðu.

• Vera í samskiptum við og vinna með hópi sjálfboðaliða.

• Safna upplýsingum um framvindu verkefnis.

Sækja um hér

Umsóknarfrestur er til og með 27. ágúst. Ekki hika við að hafa samband ef spurningar vakna! Frekari upplýsingar veita: 

• Anastasía Jónsdóttir jafnréttisfulltrúi, anastasia@studentar.is

• Jóhanna Ásgeirsdóttir alþjóðafulltrúi, johanna@studentar.is 

English:

Would you like to become a volunteer? Come be a part of making higher education more accessible to asylum seekers and refugees! 

Student refugees is a student run initiative which provides asylum seekers and refugees with assistance in applying for higher education in Iceland.

This service will be provided through the Student Refugees website, via email and in person at the Application Café. The Application Cafés are open sessions in a cosy environment where people can receive guidance while working on their applications. Volunteers will undergo training from team leaders and specialists, so no prior experience is needed.

 Responsibilities:

• Plan, host and participate in Application Cafés, about once a month.

• Answer questions and contact asylum seekers and refugees via email.

• Update website.

• Communicate with and meet up in your team of volunteers.

• Collect data on progress.

 Apply here

Deadline for applications is before midnight on the 27th of August. Please do not hesitate to reach out or ask questions! Further information are provided by:

• Anastasía Jónsdóttir, Equal Rights Officer, anastasia@studentar.is

• Jóhanna Ásgeirsdóttir, International Officer, johanna@studentar.is

Framkvæmdastjóri LÍS 2019-2020

Þann 1. ágúst síðastliðinn tók Theodóra Listalín Þrastardóttir við starfi framkvæmdastjóra LÍS.

Þetta er í fyrsta sinn í sögu samtakanna sem framkvæmdastjóri er ráðinn en samkvæmt lögum LÍS ber framkvæmdastjóri ábyrgð á daglegum rekstri samtakanna. Framkvæmdastjóri skal sjá um gerð fjárhagsáætlunar og hefur prókúru fyrir reikningum LÍS. Einnig hefur hann rétt til setu, málfrelsi og tillögurétt á öllum fundum fulltrúaráðs og framkvæmdastjórnar en ekki atkvæðisrétt.

Theodóra hefur lokið BS-gráðu í sálfræði við Háskóla Íslands (HÍ) og mun hefja diplómanám á meistarastigi í vefmiðlun við HÍ í haust. Samhliða námi sínu í sálfræði tók Theodóra þátt í ýmsum félagsstörfum, bæði á vegum félags sálfræðinema, Animu, og Stúdentaráðs Háskóla Íslands (SHÍ).

Bjóðum við Theodóru velkomna til starfa.

Hefur þú áhuga á stöðu framkvæmdastjóra LÍS

Landssamtök íslenskra stúdenta leita að framkvæmdastjóra. 

Samkvæmt lögum LÍS sinnir framkvæmdastjóri daglegum rekstri og hefur yfirumsjón með fjármálum samtakanna. Framkvæmdastjóri ber m.a. ábyrgð á því að greiða þau gjöld er samtökunum ber að greiða, innheimta kröfur, sér um gerð fjárhagsáætlunar og hefur prókúru fyrir reikningum samtakanna.  Framkvæmdastjóri hefur rétt til setu, málfrelsi og tillögurétt á öllum fundum fulltrúaráðs og framkvæmdastjórnar en ekki atkvæðisrétt. 

Hæfniskröfur: 

• Þekking og reynsla af fjármálum og bókhaldi

• Menntun sem nýtist í starfi er kostur 

• Góð hæfni í mannlegum samskiptum

• Góð kunnáttu í íslensku og ensku 

• Sjálfstæð og öguð vinnubrögð

• Önnur þekking og reynsla sem nýtist í starfi

Framkvæmdarstjóri verður ráðinn í 40% starf frá 1. ágúst næstkomandi til 1. júní 2020 og hefur vinnuaðstöðu á skrifstofu LÍS í Borgartúni 6, 105 Reykjavík. 

Umsókn sendist á netfang samtakanna lis@studentar.is með kynningarbréfi auk ferilskrá.

Spurningum um starfið er hægt að beina til forseta LÍS: 

Sonja Björg Jóhannsdóttir, sonja@studentar.is, s. 616-2620

Umsóknarfrestur er til miðnættis miðvikudaginn 17. júlí