Opið fyrir umsóknir í nefndir LÍS!
Hefur þú áhuga á félagsstörfum? Brennur þú kannski fyrir hagsmunabaráttu stúdenta? Langar þig til að hafa áhrif? Viltu starfa með stúdentum frá öllum háskólum landsins?
Landssamtök íslenskra stúdenta auglýsa eftir áhugasömum einstaklingum í nefndir samtakanna en þær eru gæðanefnd, lagabreytinganefnd, fjármálanefnd, alþjóðanefnd, markaðsnefnd, jafnréttisnefnd og nýsköpunarnefnd.
HVAÐ ERU LÍS?
Landssamtök íslenskra stúdenta, eða LÍS, voru stofnuð 3. nóvember 2013 og eru samtök háskólanema á Íslandi sem og íslenskra háskólanema á erlendri grundu. LÍS eru regnhlífarsamtök og standa að þeim átta aðildarfélög sem eru í forsvari fyrir stúdenta við Háskólann á Akureyri, Háskólann á Bifröst, Landbúnaðarháskóla Íslands, Listaháskóla Íslands, Háskólann í Reykjavík, Háskólann á Hólum, Háskóla Íslands og fyrir íslenska stúdenta sem stunda nám erlendis. LÍS er því í forsvari fyrir rúmlega 20 þúsund íslenskra stúdenta.
HVERNIG SÆKI ÉG UM?
Einfalt! Þú fyllir í umsóknarformið okkar með því að smella hér.
Opið er fyrir umsóknir frá 2. september til og með 26. september.
Við hvetjum einstaklinga af öllum kynjum til að sækja um þær lausu stöður sem í boði eru.
Nánar um hverja nefnd:
GÆÐANEFND
Brennur þú fyrir eflingu íslensks háskólaumhverfis? Þá er gæðanefndin fyrir þig. Nefndin starfar náið með fjölbreyttum einstaklingum og stofnunum á landsvísu sem vinna að eflingu gæða háskólanáms svo sem Rannís og Gæðaráði íslenskra háskóla. Skemmtileg verkefni eru á döfinni starfsárið 2020-2021 t.d. endurskoðun á stefnu, verkefni tengt upplýsingaöflun o.fl. Öll verkefni hafa það að markmiði að auka þekkingu á gæðamálum meðal íslenskra stúdenta sem og að efla þátttöku þeirra í gæðastarfi háskólanna. Um er að ræða einstakt tækifæri til að efla gæði háskólanáms á Íslandi. Við óskum eftir þremur metnaðarfullum og vinnusömum einstaklingum í nefndina.
Viljir þú vita meira getur þú haft samband við Kolbrúnu Láru Kjartansdóttur, gæðastjóra LÍS. Netfang: kolbrunlara@studentar.is
FJÁRMÁLANEFND
Fjármálanefnd sér um utanumhald fjármála LÍS auk fjáröflunar samtakanna og helstu viðburða. Það vinnur náið með Markaðsnefndinni við skipulagningu og framkvæmd viðburða sambandsins. Nefndin sér um að byggja upp og viðhalda samstarfi LÍS og fyrirtækja með þjónustusamningum eða styrkjum auk þess að vinna að styrkumsóknum innan stærri stofnana. Fyrir utan að öðlast færni í styrkumsóknum er það líka frábært tækifæri til að hitta annað fólk og vinna saman sem teymi. Leitað er að þremur áhugasömum aðilum til að sitja í fjármálanefnd auk framkvæmdastjóra.
Viljir þú vita meira getur þú haft samband við Emilíu Björt Írisardóttur, Framkvæmdastjóra LÍS. Netfang: emilia@studentar.is
ALÞJÓÐANEFND
Alþjóðanefnd LÍS sinnir alþjóðlegum skuldbindingum LÍS, sækir fróðleik til alþjóðlegra stúdenta og færir þann fróðleik heim til Íslands. Nefndin sinnir undirbúningsvinnu og úrvinnslu í kringum alþjóðlega viðburði sem fulltrúar LÍS sækja, þá einna helst á vegum Evrópusamtaka stúdenta (ESU), ásamt því að endurskoða alþjóðastefnu LÍS. Með þátttöku í nefndinni munu meðlimir fá innsýn inn í starf LÍS og ekki síður inn í störf alþjóðlegra stúdentahreyfinga en nefndin sér um að kynna sér og vekja athygli á tækifærum til þátttöku stúdenta í alþjóðlegu stúdentasamstarfi. Nefndin mun í sameiningu móta starf vetrarins undir handleiðslu alþjóðafulltrúa. Laus sæti í nefndinni eru fjögur og leitumst við eftir fjölbreyttum hópi af áhugasömu fólki. Hvers kyns reynsla eða þekking á alþjóðlegri umhverfi er kostur en alls ekki krafa, einungis brennandi áhugi á því að læra nýja hluti!
Viljir þú vita meira getur þú haft samband við Sigríði Helgu Olafsson, alþjóðafulltrúa LÍS. Netfang: sigga@studentar.is
MARKAÐSNEFND
Markaðsnefndin miðar að því að efla sýnileika samtakanna innan íslensks samfélags og sérstaklega háskólasamfélagsins. Nefndin heldur utan um vefsíðu samtakanna, samfélagsmiðla og hlaðvarpi, í samvinnu við önnur embætti og nefndir varðandi innihald. Nefndin skipuleggur og framkvæmir tvær markaðsherferðir á hverju ári til þess að vekja athygli á réttindabaráttu stúdenta og er einnig ábyrg fyrir skipulagningu viðburða samtakanna ásamt fjármálanefnd. Reynsla og/eða þekking á grafískri hönnun, ritun og/eða samfélagsmiðlum er kostur. Laus sæti í nefndinni eru þrjú.
Viljir þú vita meira getur þú haft samband við Sigtý Ægi Kárason, markaðstjóra LÍS. Netfang: sigtyr@studentar.is
JAFNRÉTTISNEFND
Jafnréttisnefnd heldur utan um verkefni og viðburði LÍS sem tengjast jafnréttismálum. Nefndin ber ábyrgð á því að jafnrétti sé framfylgt í öllum málum og skal vera framkvæmdarstjórn LÍS til ráðgjafar í störfum og málefnum stjórnar. Nefndin mun eiga í samráði við jafnréttisnefndir háskólanna og taka þátt í öðrum verkefnum. Laus sæti í nefndinni eru þrjú.
Ef þú vilt fleiri upplýsingar getur þú haft samband við Ernu Benediktsdóttur, jafnréttisfulltrúa LÍS. Netfang: erna@studentar.is
LAGABREYTINGANEFND
Lagabreytinganefnd LÍS sér um endurskoðun á lögum og verklagi á hverju ári. Tryggja þarf að lögin séu í samræmi við starf samtakanna og að samtökin fylgi þeim í hvívetna. Lagabreytinganefnd sér um gerð á breytingartilögum sem lagðar eru fyrir fulltrúarráð LÍS. Séu tilögurnar samþykktar þar fara þær fyrir Landsþing LÍS sem er æðsta ákvörðunarvald samtakanna. Möguleikarnir til þess að bæta skilvirkni og starf samtakanna eru því miklir með þátttöku í lagabreytinganefnd. Óskað er eftir einstaklingum sem hafa áhuga á lögum og lagabreytingum. Lögfræðiþekking er ekki skilyrði en þó kostur. Laus sæti í nefndinni eru fjögur.
Umsóknir og upplýsingar má fá hjá Antoni Birni Helgasyni, varaforseta samtakanna með því að senda tölvupóst á anton@studentar.is
NÝSKÖPUNARNEFND
Nýsköpunarnefndin er tímabundin nefnd fyrir árið 2022-2023 til að móta Nýsköpunarstefnu samtakanna. Á síðasta landsþingi LÍS var þemað Nýsköpun og rannsóknir í háskólasamfélagi og mun nefndin vinna með gögnum sem var safnað í vinnustofum ásamt því að nýta eigin þekkingu til að móta stefnuna.
Umsóknir og upplýsingar má fá hjá Alexöndru Ýr van Erven, forseta samtakanna með því að senda tölvupóst á alexandra@studentar.is
Auglýst eftir umsóknum í stöðu áheyrnarfulltrúa stúdenta í Gæðaráð íslenskra háskóla // Open for applications for a student observer in the Icelandic Quality Board for Higher Education
Landssamtök Íslenskra stúdenta (LÍS) leita að einstaklingi í stöðu áheyrnarfulltrúa stúdenta í Gæðaráð Íslenskra Háskóla. Gæðaráðið ber ábyrgð á framkvæmd og yfirsýn á rammaáætlun um eflingu gæða á sviði æðri menntunar á íslandi (QEF). Markmið QEF er að efla gæði kennslu og rannsókna í íslenskum háskólum.
Gæðaráð samanstendur af gæðasérfræðingum en LÍS hefur þar tvo fulltrúa, einn stjórnarmeðlim og einn áheyrnarfulltrúa. Hlutverk áheyrnarfulltrúa er að aðstoða erlenda stúdentafulltrúann og tryggja samskipti á milli þeirra og LÍS.
Almennar upplýsingar:
Frestur til að sækja um stöðuna er til og með 31. ágúst 2022.
Athuga skal að staðan er ólaunuð en er hinsvegar ómetanleg starfsreynsla.
Áheyrnarfulltrúinn sinnir hlutverkinu frá upphafi september 2022 til maí 2024 eða í tvö skólaár.
LÍS mun taka viðtöl við umsækjendur og að lokum tilnefna áheyrnarfulltrúa.
Allir fundir Gæðaráðs og skjöl verða á ensku.
Fastir fundir verða haldnir að minnsta kosti fjórum sinnum á ári og stendur hver fundur í um tvo heila daga. Áheyrnarfulltrúinn mætir alla jafna hluta dags annan daginn.
Fundir fara fram á Íslandi en mögulega verða gerðar undantekningar á því.
Áheyrnarfulltrúi og aðalfulltrúi skulu funda með LÍS fyrir og/eða eftir fasta fundi Gæðaráðs.
Ferðalög og fæðikostnaður eru greidd af Gæðaráði.
Umsóknir sendist á lis@studentar.is
Hæfniskröfur:
Umsækjandi þarf að vera innritaður í háskóla eða hafa verið í háskólanámi á síðast liðnum tveimur árum.
Kostur er að umsækjandi hafi reynslu í hagsmunabaráttu stúdenta, gæðamálum eða sambærilegu starfi
Hafa skilning á uppbyggingu háskólakerfisins.
Góð enskukunnátta.
Góð færni í mannlegum samskiptum og vinnur vel í hóp.
Sveigjanleiki til að tryggja mætingu á fundi.
Áhugasamir geta sótt um með því að senda umsókn á lis@studentar.is
Með umsókninni skal fylgja:
Kynningarbréf.
Ferilskrá, þar sem öll reynsla tengd stöðunni er upptalin.
LÍS og Gæðaráð íslenskra háskóla óska eftir stúdentafulltrúa í stofnanaúttekt á Landbúnaðarháskóla Íslands
English Below
LÍS hefur borist beiðni um að tilnefna stúdentafulltrúa í úttekt á Landbúnaðarháskóla íslands sem fer fram 31. október til 4. nóvember 2022. Úttektin er á vegum Gæðaráðs íslenskra háskóla.
Í handbók gæðaráðs kemur fram að LÍS skuli tilnefna stúdenta frá aðildarfélögum sínum og einnig að tilnefndur fulltrúi geti ekki verið úr sömu stofnun og verið er að taka út (LBHÍ). Hér er fjallað nánar um skilyrði:
Fulltrúinn má ekki hafa náin tengsl við stofnunina í gegnum fjölskyldutengsl þ.e. að náinn fjölskyldumeðlimur stundi nám við stofnunina eða starfi við hana.
Ekki má vera meira en eitt ár frá útskrift stúdentafulltrúa
Stúdent skal hafa reynslu af íslensku háskólakerfi og hafa verið stúdent við íslenskan háskóla
Úttektarteymið skrifar undir yfirlýsingu til staðfestingar á því að engir hagsmunaárekstrar séu til staðar
Þessi talning er ekki tæmandi og lokaákvörðun um gjaldgengi umsóknar er tekin af gæðaráði
Fulltrúinn þarf að vera laus allan daginn, þá daga sem úttektin fer fram. Einnig þarf viðkomandi að mæta í þjálfun í september. Um er að ræða launaða stöðu en stúdentafulltrúinn fær greitt sömu þóknun og aðrir meðlimir úttektarteymisins. Stúdentafulltrúinn skal vera með góða munnlega og skriflega enskukunnáttu.
Óskað er eftir tilnefningum frá öllum aðildarfélögum LÍS, fyrir utan NLBHÍ, með ferilskrá og kynningarbréfi viðkomandi aðila. Tilnefningar skulu berast á lis@studentar.is LÍS tilnefnir í stöðuna en Gæðaráð tekur lokaákvörðun á grundvelli ferilskrár og kynjasamsetningar í úttektarteyminu.
Ef það eru einhverjar spurningar varðandi hlutverkið má beina þeim til Kolbrúnu Láru, gæðastjóra LÍS á kolbrunlara@studentar.is
Umsóknir berist á lis@studentar.is fyrir 25. ágúst
Seeking student representative for a review of the Agricultural University of Iceland
LÍS has received a request to nominate a student representative for a quality review of the Agricultural University of Iceland, which will take place 31st of october to 4th of November 2022.
The Quality Boards's handbook states that LÍS shall nominate students from its member associations and also that a nominated representative may not be from the same institution as is being reviewed. Here are more conditions:
The student representative must not have a close connection with the institution through family ties - that a close family member studies or works with the institution.
The student representative may not have graduated more than one year earlier
The student representative must have experience of the Icelandic university system and have been a student at an Icelandic university
The review team signs a statement confirming that there is no conflict of interest
This list of requirements is not exhaustive and the final decision on eligibility is made by the Quality Board.
The representative must be available all day, on the days of the audit. This is a paid position and the student representative is paid the same fee as other members of the review team. It is not possible to say at this time whether the review is carried out locally or electronically. The student representative must be fluent in spoken and written English.
We request nominations from all LÍS member associations, except NLBHÍ, with a CV and cover letter from the applicant. Nominations should be sent to lis@studentar.is
Please contact Kolbrún Lára, LÍS’s Quality officer (kolbrunlara@studentar.is) if you have any questions.
Applications are to be sent to lis@studentar.is by 25th of August
Landssamtök íslenskra stúdenta leita að framkvæmdastjóra! / LÍS seek an executive director!
Landssamtök íslenskra stúdenta leita að framkvæmdastjóra fyrir starfsárið 2022-2023.
Ert þú næsti framkvæmdastjóri LÍS?
Samkvæmt lögum LÍS sinnir framkvæmdastjóri daglegum rekstri og hefur yfirumsjón með fjármálum samtakanna. Framkvæmdastjóri ber m.a. ábyrgð á því að greiða þau gjöld er samtökunum ber að greiða, innheimta kröfur, sér um gerð fjárhagsáætlunar og hefur prókúru fyrir reikningum samtakanna. Framkvæmdastjóri hefur rétt til setu, málfrelsi og tillögurétt á öllum fundum fulltrúaráðs og framkvæmdastjórnar en ekki atkvæðisrétt. Framkvæmdastjóri fer fyrir fjármálanefnd en hún hefur það verkefni að sækja um styrki fyrir hönd félagsins og skipulagningu viðburða.
Starfið býður upp á frábæra reynslu af starfi félagasamtaka og hentar vel með skóla.
Hæfniskröfur:
Þekking og reynsla af fjármálum og bókhaldi
Menntun sem nýtist í starfi er kostur
Góð hæfni í mannlegum samskiptum
Góð kunnátta í íslensku og ensku
Sjálfstæð og öguð vinnubrögð
Önnur þekking og reynsla sem nýtist í starfi
Framkvæmdastjóri verður ráðinn í 40% starf frá 1. ágúst næstkomandi til 1. júní 2023 (með möguleika á áframhaldandi starfi) og hefur vinnuaðstöðu á skrifstofu LÍS í Borgartúni 6, 105 Reykjavík. Laun eru samkvæmt kjarasamningum.
Umsókn sendist á netfang samtakanna lis@studentar.is með kynningarbréfi auk ferilskrá.
Spurningum um starfið er hægt að beina til forseta LÍS:
Alexandra Ýr van Erven, lis@studentar.is, s. 6946764
Umsóknarfrestur er til miðnættis miðvikudaginn 27. júlí
//
LÍS are seeking a new executive director!
According to LÍS's law, the managing director handles day-to-day operations and oversees the association's finances. The managing director is responsible for e.g. is responsible for paying the fees that the association must pay, collects claims, takes care of the preparation of the budget and has a power of attorney for the association's accounts. The Executive Director has the right to sit, speak and make proposals at all meetings of the Representative Council and the Executive Board, but not the right to vote. The managing director is in charge of the finance committee, which has the task of applying for grants on behalf of the company and organizing events.
The job offers great experience from the work of NGOs and is well suited to schools.
Qualification requirements:
Knowledge and experience of finance and accounting
An education that is useful in the job is an advantage
Good interpersonal skills
Good knowledge of Icelandic and English
Independent and disciplined work methods
Other knowledge and experience that is useful in the job
The executive director will be hired for a 40% job from 1 st August next to 1st of June 2023 (with the possibility of continuing work) and has work facilities at the LÍS office in Borgartún 6, 105 Reykjavík. Wages are according to wage agreements.
The application is sent to the e-mail address of the association lis@studentar.is with a cover letter and CV.
Questions about the job can be directed to the president of LÍS:
Alexandra Ýr van Erven, lis@studentar.is, p. 6946764
The application deadline is midnight on Wednesday 27th of July
Ný framkvæmdastjórn LÍS tekin til starfa!
Skiptaþing LÍS var haldið helgina 24.-26. júní. Markmið þingsins er að undirbúa nýja framkvæmdastjórn svo þau séu í stakk búin að takast á við verkefni og hagsmunabaráttu komandi starfsárs. Í framkvæmdastjórn LÍS 2022-2023 sitja:
Mynd af framkvæmdastjórn LÍS 2022.
Efri röð frá vinstri: Sigríður Helga, Erna, Alexandra Ýr, Kolbrún Lára og Anton Björn.
Neðri röð frá vinstri: Rannveig Klara og Sigtýr Ægir.
Forseti: Alexandra Ýr van Erven
Varaforseti: Anton Björn Helgason
Ritari: Rannveig Klara Guðmundsdóttir
Alþjóðafulltrúi: Sigríður Helga Olafsson
Gæðastjóri: Kolbrún Lára Kjartansdóttir
Jafnréttisfulltrúi: Erna Benediktsdóttir
Markaðsfulltrúi: Sigtýr Ægir Kárason
Áhersla var lögð á að fráfarandi og reyndir LÍS-arar deildu reynslu og þekkingu sinni með nýjum meðlimum LÍS. Dagskrá þingsins innihélt kynningar á sögu samtakanna, fræðslu, vinnustofur og að sjálfsögðu hópefli.
Fráfarandi framkvæmdastjórn lagði ýmis raunhæf verkefni fyrir nýja framkvæmdastjórn sem hún átti að leysa hratt og örugglega.
Ný framkvæmdastjórn hefur nú formlega tekið við keflinu. Mikil tilhlökkun ríkir fyrir komandi starfsári og það er ljóst að mörg og fjölbreytt verkefni eru framundan.