ESC40 og NOM78 - Alþjóðlegar ráðstefnur á tímum COVID

Þrátt fyrir aðstæður vegna COVID-19 hefur þátttaka LÍS í alþjóðastarfi farið hratt af stað þessa önnina, þó vissulega með öðru sniði en vanalega. Um miðjan september, þann 17. til 19., sótti alþjóðafulltrúi ráðstefnu ESU, European Student Convension en ráðstefnan, sem er haldin tvisvar á ári, var nú haldin í fertugasta sinn. Undir venjulegum kringumstæðum hefði dagskráin farið fram í Króatíu á vegum the Croatian Student Council (CSC) en vegna aðstæða var ráðstefnan haldin rafrænt í samstarfi við framkvæmdarstjórn ESU.

Ráðstefnan tókst að mati alþjóðafulltrúa vel til en yfirskriftin í þetta skipti var „Students organizing in times of Disruption – Stocktaking, impact assessment and drawn lessons from a semester under lockdown.“ Líkt og titillinn gefur til kynna þá voru umfjöllunarefni almennt lituð af heimsfaraldinrum sem geysað hefur síðastliðna mánuði og áhrifin hann hefur haft, ekki síst á stúdenta.

Alþjóðafulltrúi LÍS nýtti sér tóman fundarsal í húsakynnum samtakanna til þess að sitja ESC en á meðal umræðuefna voru gæði stafrænna kennsluaðferða

Rætt var um Evrópska háskólasvæðið, fjallað var um framtíð menntunar innan Evrópu ásamt almennum hindrunum er kemur að menntun og lýðræði á alþjóðavísu þar sem áheyrendur fengu að hlýða á fulltrúa stúdenta frá öðrum heimshornum lýsa aðstæðum í sínu heimalandi. Þá var farið yfir ýmsar stefnur samtakanna, þar á meðal Mental Health Charter - nýtt skjal sem ESU mun bera fyrir næsta þing samtakanna um stefnu þeirra í geðheilbrigðismálum stúdenta.

Síðastliðna helgi eða þann 18. október síðastliðinn var svo haldinn hálfsárslegur fundur NOM eða Nordisk Ordförande Möte. Þar koma saman fulltrúar stúdenta frá Norðurlöndum og Eystasaltsskaga til þess að ræða sérstaklega aðstæður stúdenta í Norður Evrópu. Skipulagning fundarins féll í hlut landssamtaka eisteskra stúdenta (EÜL) en fór fram rafrænt líkt og fyrrnefnd ráðstefna. Fundinn sóttu alþjóðafulltrúi LÍS, Sylvía Lind Birkiland og tveir meðlimir alþjóðanefndar, Erla Guðbjörg Hallgrímsdóttir og Judit Rodríguez.

LÍS báru upp erindi á fundinum um fjármál stúdenta á vegum COVID með það markmið að bera saman stöðuna á Íslandi og í nágrannalöndunum. Staðan reyndist svipuð hjá flestum en amennt hefur atvinnuleysi á meðal stúdenta aukist þó nokkuð. Misjafnt var hvernig löndin hafa tekið á málunum en flest hafa þau boðið einhverja björgunarpakka ætlaða stúdentum, ýmist í formi lána eða beinna styrkja. LÍS stefnir á að nýta sér niðurstöðurnar til áframhaldandi vinnu við þrýsting á stjórnvöld en á meðal þess sem alþjóðanefnd vinnur að á árinu er heildar samanburður Norður Evrópulanda er kemur að fjármálum stúdenta almennt.

Á fundinum var auk þess farið yfir málin fyrir næsta Evrópuþing stúdenta sem fer fram nú í komandi viku. Að lokum var samþykkt að EÜL muni endurtaka hlutverk sitt sem fundarhaldarar og bjóða heim að hálfu ári liðnu á næsta NOM fund, fari svo að aðstæður leyfi.

Brugðið á leik á NOM78 - að sjálfsögðu voru svörin lituð af stúdentapólitík!

Það hefur vissulega verið óvenjulegt að sækja ráðstefnur með þessu móti en almennt er stór partur af þeim í formi samkoma sem þátttakendur nýta til byggja upp tengslanet. Fundahaldarar hafa þó ekki dáið ráðalausir heldur nýtt sér tæknina til þess að hrista upp í mannskapnum í gegnum netið og þóttu þær tilraunir alveg ágætlega heppnaðar. Fulltrúar LÍS vonast þó til að hægt verði að halda ráðstefnur með hefðbundu móti sem fyrst en þangað til þá getum við verið fullviss um að baráttan fyrir réttindum stúdenta í Evrópu er tryggilega fylgt eftir!

LÍS biðla til háskólanna að skylda stúdenta ekki til að mæta í próf á prófstað / LÍS appeal to universities to not require students to show up to exams in person

—ENGLISH BELOW—

Undanfarna daga og vikur, samhliða fjölgun smita, hafa stúdentar í mörgum háskólum landsins þurft að þreyta miðannar próf og lokapróf áfanga sem skiptast í lotur. Borið hefur á því að stúdentum sé skylt að mæta á prófstað, sem þeim þykir eðlilega óþægilegt í ljósi þess að yfirvöld hafa biðlað til fólks að halda sig heima. Eini möguleikinn fyrir þá sem geta ekki eða treysta sér ekki til þess að mæta er að sækja um að taka sjúkrapróf seinna í haust. Háskóli íslands hefur fellt niður kröfu um læknisvottorð til þess að fá að taka sjúkrapróf, nóg er að láta vita í pósti ef einstaklingur kemst ekki í próf vegna einangrunar eða sóttkví. En að mati LÍS er hér aðeins verið að velta vandamálinu á undan okkur. 

Það hefur verið krafa LÍS frá byrjun faraldursins að fjarnám verði í boði fyrir öll sem kjósa, en að reyna skuli að halda staðnám á þeim námsleiðum sem erfitt er að aðlaga að fjarnámi. Krafan um að boðið sé upp á staðnám er auðvitað háð því að gætt sé að sóttvörnum eftir tilmælum sóttvarnarlæknis.

Háskólar hafa aðlagað sig að aðstæðum og breytt mörgum námsleiðum í fjarnám, og gert sóttvarnarráðstafanir til þess geta haldið staðnámi gangandi að einhverju leiti, með því að minnka hópa, gæta að fjarlægð, skylda þá sem mæta til að vera með grímur og með reglulegum þrifum. 

Það er eðlilegt að stúdentar meti hverju sinni eftir þeim tilmælum og upplýsingum sem berast frá yfirvöldum hvort þau treysti sér til þess að mæta í staðnám enda kunna nemendur sjálfir eða aðstandendur þeirra að vera í áhættuhóp. Þar sem að smitum fer ört vaxandi í samfélaginu undanfarna daga virðast æ fleiri kjósa að stunda nám sitt heiman frá. 

Krafa LÍS um aðgengi um fjarnám felur í sér að hægt sé að stunda námið alfarið að heiman frá. Það er óásættanlegt að gerð sé ófrávíkjanleg krafa um að stúdentar mæti á prófstað til að taka próf. Til er fjölmargar lausnir til þess að meta námsárangur í fjarnámi. LÍS biðlar til fagsfólks háskólanna að leita annara leiða til námsmats en próf á prófsað, þannig að fjarnám verði raunverulegur kostur fyrir þá sem þess þurfa. 

Yfirlýsinguna í heild sinni má lesa hér:

LÍS appeal to universities to not require students to show up to exams in person

In recent days and weeks, alongside an increase in COVID-19 infections, students in many universities in the country have had to take midterm and final exams. It had come to our attention that many students have been required to show up in person, which many understandably find uncomfortable in light of the fact that the authorities have asked people to stay at home. The only option for those who cannot or do not feel safe enough to attend is to apply for makeup exams later this autumn. The University of Iceland has dropped the requirement for a medical certificate in order to take a makeup exam, it is enough to notify by email if an individual cannot make it due to isolation or quarantine. It is LÍS’s stance that this solution only pushes the problem ahead.

It has been LÍS's demand since the beginning of the pandemic that distance learning should be made available to all who choose, but that an attempt be made to maintain on-site learning in those study programs that are difficult to adapt to distance learning. The requirement to offer on-site training is, of course, subject to care being taken to prevent infection according to the recommendations of epidemiologists.

Universities have adapted to the situation and changed many study paths to distance learning, and have taken measures to keep on-site study going to some extent, by having groups smaller, keeping distance and obliging those who attend to wear masks. It is natural for students to assess at any given time according to the recommendations and information received from the authorities whether they trust themselves to attend on-site studies, as students themselves or their relatives may be at risk. As infection has been growing rapidly in the community in recent days, more and more people seem to choose to study from home.

LÍS’s requirement for access to distance learning means that it should be possible to continue studying entirely from home. A mandatory requirement for students to show up at exam locations to take exams is unacceptable. There are numerous solutions for evaluating academic achievement through distance learning. LÍS urges university professionals to look for other ways of assessment than exams in person, so that distance learning becomes a real option for those who need it. 

The full statement can be seen here:

Stuðningsyfirlýsing við umsögn Rauða Krossins um breytingar á lögum um útlendinga

Fulltrúar LÍS fundu sig knúin til þess að taka afstöðu gangvart frumvarpi um breytingar á lögum um útlendinga og atvinnumál útlendinga. Þó að málið virðist ekki varða beint málefni stúdenta, þá finnum við fyrir samfélagslegri ábyrgð til þess að tala fyrir mannréttindum og gegn því sem frumvarpið felur í sér, skerðingu á möguleikum umsækjenda um alþjóðlega vernd til að hljóta hér dvalarleyfi. Í stefnu LÍS um alþjóðavæðingu íslenskra háskóla er lagt áherslu á verðmæti fjölmenningar fyrir öflugt háskólasamfélag. LÍS vinna að bættu aðgengi flóttafólks að háskólamenntun með verkefninu Student Refugees Iceland og látum við því okkur þetta málefni varða.

Málið var síðast til umræðu á þingi í maí og til umfjöllunar í allsherjar og menntamálanefnd í júní, en við birtum stuðngingyfirlýsinguna núna þar sem það liggur nú fyrir að farið verður áfram með málið þar sem það er að finna á þingmálaskrá 2020-2021.

Samkvæmt greinargerð frumvarpsins er markmið breytinganna að auka skilvirkni og gagnsæi í málsmeðferðum umsókna um alþjólega vernd.

Lagt er til að þetta verði gert með ýmsu móti en meðal annars með því að setja umsóknir í forgang sem ólíklegt er að verði samþykktar og stytta þannig biðtíma umsækjenda. En með styttri biðtíma er í raun verið að gera Útlendingastofnun kleift að synja fleirum, hraðar.

Í stað þess að skrifa umsögn sjálf vísum við á umsögn Rauða Krossins, og treystum þannig á sérþekkingu þeirra á málefnum innflytjenda og flóttafólks. Við vísum einnig á umsögn Flóttamannastofnunar Sameinuðu þjóðanna sem gera alvarlegar athugasemdir við frumvarpið.

Hér er okkar samantekt á helstu atriðum umsagnarinnar:

2. grein felur í sér að synjun umsóknar verði sjálfkrafa send til kærunefndar útlendingamála, vissulega til þess að málsmeðferðartími styttist, en í raun er verið að gefa kæranda takmakaðari tíma til að afla gagna til stuðnings síns máls og ýta undir líkurnar á synjun í annað skipti.

5. grein felur í sér að skilgrein skuli allar umsóknir frá öruggum ríkjum sem „bersýnilega tifhæfulausum“, þannig að það megi vísa þeim strax frá án efnislegrar meðferðar. Þá yrði einstaklingi sem annars uppfyllir skilyrði um vernd vísað frá án þess að mál þeirra sé skoðað einungis vegna vegna upprunalands síns.

6. grein felur í sér að ríkari sönnunarkröfur verði gerðar á umsækjendum frá örruggum ríkjum en gengur og gerist í málum er varða alþjóðlega vernd, sem Rauði Krossinn telur „augljóslega vera í andstöðu við 2. mgr. 11. gr. stjórnsýslulaga nr. 37/1993 (ssl.). þar sem fram kemur að óheimilt sé að mismuna aðilum við úrlausn mála á grundvelli sjónarmiða byggðum á kynferði þeirra, kynþætti, litarhætti, þjóðerni, trúarbrögðum, stjórnmálaskoðunum, þjóðfélagsstöðu, ætterni eða öðrum sambærilegum ástæðum.“ Þar að auki eru í frumvarpinu ákvæði sem takmarka fjölskyldusameiningu og fleiri atriði sem þrengja að umsækjendum um vernd.

Afstaða LÍS er sú að tekið skal mark á umsögnum Rauða Krossins og Flóttamannastofnun sameinuðu þjóðanna.

Stuðningsyfirlýsinguna má sjá undir útgefið efni og hér að neðan. Hún var sett var fram af Derek T. Allen, jafréttisfulltrúa LÍS, og samþykkt á fundi fulltrúaráðs LÍS.

Nýr markaðsstjóri LÍS // LÍS‘s new Marketing Officer

Við bjóðum Sögu Ýri Hjartardóttur hjartanlega velkomna í stöðu markaðsstjóra LÍS!

Saga var kjörin af fulltrúaráði þann 10. september síðastliðinn.

Saga stundaði nám við Copenhagen Business School, þar sem hún útskrifaðist nýlega með BS gráðu í alþjóðaviðskiptum með sérstaka áherslu á asíska markaðinn. Saga ætlar í áframhaldandi nám við National Chengchi háskólann í Taívan, þar sem hún mun vinna að meistaragráðu í alþjóðasamskiptum. Í náminu hefur verið lögð mikil áhersla á alþjóðaviðskipti, samskipti og markaðssetningu, sem mun nýtast Sögu óskaplega vel í stöðu markaðsstjóra LÍS. Saga hefur einnig þekkingu af starfi í dönskum háskólasamtökum og hefur meðal annars verið hluti af teymi skólans sem tekur á móti nýjum nemendum.

//

We warmly welcome Saga Ýrr Hjartardóttir, LÍS‘s new Marketing Officer!

Saga was elected by the Board of Representative on September 10th.

Saga studied at Copenhagen Business School, where she recently graduated with a BSc in International Business in Asia. Saga plans to continue her studies at National Chengchi University in Taiwan, where she will pursue a master‘s degree in International Communication. During her studies, there has been a high emphasis on international business, communication and marketing, that will be extremely useful to Saga in her new position as LÍS‘s marketing manager. In addition, Saga has previous experience of work within danish student organizations, such as being a part of the introductory team which assures a smooth transition for new students to the school.

Upplýsingar um Menntasjóð námsmanna

LÍS hafa safnað saman upplýsingum um Menntasjóð námsmanna hér á studentar.is

Menntasjóðurinn býður upp á talsvert fleiri möguleika en LÍN gerði, svo er síðan hugsuð til þess að gera námsmönnum auðveldara fyrir að upplýsa sig og sækja um lán sem hentar þeim. Helstu nýjungar sem Menntasjóðurinn felur í sér eru:

• Styrkir vegna framfærslu barna

• 30% niðurfelling á höfuðstóli láns

• Mánaðarlegur útborganir lána í staðinn fyrir í lok annar

• Breytilegir vextir

• Val á milli verðtryggðs og óverðtryggðs láns

• Afborgun hefst eitt ár eftir námslok

Upplýsingarnar eru birtar með þeim fyrirvara að þær kunna að taka breytingum, við þiggjum ábendingar og leiðréttingar lis@studentar.is

Við minnum á að umsóknarfrestur fyrir haustönn í Menntasjóðinn er 15. september.

Sækið um hér